Sport | 25. mars 2017

Kloven heldt nullen

Superreserve Anders Kloven heldt buret reint då Os slo Odda 4-0 i første kvalik-runde til NM.

Kloven heldt nullen
Anders Kloven viste at han framleis har spretten etter fire år vekke frå fotballen. Mot Odda måtte han fleire ganger ut i full strekk (foto: Andris Hamre)
Andris Hamrelørdag 25. mars 2017 15:48

Bildeserie:

Øystein Takle Eide bomma på ope mål (foto: KVB)
Øystein Takle Eide bomma på ope mål (foto: KVB)
Men så runda han keeper og skåra (foto: AH)
Men så runda han keeper og skåra (foto: AH)
Adrian Kallekleiv Valle kom høgst og heada i mål (foto: AH)
Adrian Kallekleiv Valle kom høgst og heada i mål (foto: AH)
Aleksander Mjånes Tøssebro debuterte for A-laget og skåra 3-0 (foto: AH)
Aleksander Mjånes Tøssebro debuterte for A-laget og skåra 3-0 (foto: AH)
Erik Kanestrøm var tilbake og fastsette sluttresultatet til 4-0 på frispark (foto: AH)
Erik Kanestrøm var tilbake og fastsette sluttresultatet til 4-0 på frispark (foto: AH)
1 av 5
Øystein Takle Eide bomma på ope mål (foto: KVB)
Men så runda han keeper og skåra (foto: AH)
Adrian Kallekleiv Valle kom høgst og heada i mål (foto: AH)
Aleksander Mjånes Tøssebro debuterte for A-laget og skåra 3-0 (foto: AH)
Erik Kanestrøm var tilbake og fastsette sluttresultatet til 4-0 på frispark (foto: AH)

Os fotball har hatt eit problem med skadar på keeperplass og inviterte Anders Kloven, som la opp i 2013, inn på trening for berre 12 dagar sidan.

I laurdagens NM-kvalik mot Odda hadde Os-trenar Hassan El Fakiri vald å starta med nettopp Kloven.

– Anders var ikkje med oss til Kypros, men har trent litt på eigahand her heime. I dag gjer han ein fantastisk kamp for oss med fleire klasseredningar. Diverre får han seg ein liten smell. Eg veit ikkje kva det er, oppsummerer El Fakiri etter kampslutt.

Os - Odda 4-0 (2-0)
Os: Anders Kloven (Glenn Hjelle, 73 min), Knut Spangelo Haga, Anders Havsgård, Ole Martin Lekven Kolskogen, Divaldo Cardoso, Marius Haugland Mikkelsen, Thomas Lunde Fosen (Aleksander Mjånes Tøssebro), Steffen Årseth Ljosheim, Adrian Kallekleiv Valle, Christoffer Hafsås (Erik Kanestrøm) og Øystein Takle Eide.

Bom og mål

Gjestane frå Odda kjem best i gang i kampen, er raskt frampå og får Kloven ut i full strekk eit par gongar før heimelaget etterkvart kjem i gang. Først med Øystein Takle Eide, når han brenn ballen over ope mål frå berre 3,5 meter.

Like etter trer Christoffer Hafsås ballen gjennom til Takle Eide. Odda-keeperen kjem ut, men blir runda av Os-spissen som denne gangen ikkje gjer noko feil og bankar ballen i det opne buret.

Corner er mål

2-0 kjem etter at Os har kjempa seg til ein corner frå høgre. Knut Spangelo Haga legg den høgt og hardt inn berre to meter frå målstreken.

Der er Adrian Kallekleiv Valle høgst og nikkar ballen forbi Odda-keeperen.

Debutant med mål

Andre omgang startar som den første, med eit solid Odda-press, men Os klarer å halda unna bakover, leia av ein god Divaldo Cardoso i midtforsvaret. Etterkvart kjem Os seg betre framover på banen.

Ungguten Aleksander Mjånes Tøssebro blir bytta inn og får sin første offisielle kamp for A-laget.

Tøssebro viser at han kan bli ein spennande spelar å følgja framover. 3-0 kjem etter at han jaktar ballen og snappar den mellom ein Oddaforsvarar og keeperen. På ope mål gjer han ingen feil og bankar den kontant inn i lengste hjørne.

Kanestrøm finstilte frisparkfoten

4-0 kjem heilt på slutten av kampen. Anders Havsgård blir sparka ned på hjørnet av 16-meteren.

Erik Kanestrøm, som har kome inn som innbyttar, viser at han ikkje har gløymt gamle kunstar og bankar ballen direkte i mål.

Misnøgd trenar

Sjølv med 4-0-siger er ikkje Hassan El Fakiri nøgd.

– Det eineste eg er nøgd med i dag er at vi vinn kampen og tek oss videre.

– Det er ein rotete kamp og ingen god prestasjon av oss. Vi har ingen ro i spelet, det går treigt og det er lite kommunikasjon. I dag speler vi gå-fotball. Det er ikkje slik vi skal gjera det. Vi må heva oss framover, konstanterer Os-trenaren.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.