Knut skåra for Os 2

Os 2 tok sin tredje siger for hausten (av fire moglege) i gårsdagens heimekamp mot Sædalen.

– Det var ein fin kamp og vi hadde full kontroll, synest trenar Odd Jarle Hjelle.

Botnlaget Trio slo Nordre Fjell, som er på nest siste plass, men det bryr Hjelle seg mindre om.

– Alle slår alle for tida, vi må konsentrera oss om neste kamp. Berre siger er godt nok i dei neste rundane.

Les òg: – Vi har ikkje gjeve opp å halda oss i 4. divisjon

Os 2 - Sædalen 3-0 (2-0)
Målskårarar: Knut Spangelo Haga, Vegard Hjelle og Øystein Takle Eide

Med Glenn Krossøy tilbake i form på A-laget sin venstreback er det rom for at 18-åringen Knut Spangelo Haga, som har levert stabilt og godt med A-laget i vår, også kan spela med andrelaget.

Knut gav Os 2 leiinga i går, mens Vegard Hjelle auka til 2-0 før pause. Øystein Takle Eide gjord som med A-laget laurdag, sette inn 3-0 før slutt.

Også neste kamp går på heimebane. Os 2 på 10. plass tar imot Solid på 8.plass komande søndag.