Kollisjon på Byvegen
To personar er køyrd til legevakt for sjekk etter påkøyrsle bakfrå ved krysset mellom Byvegen og Giskavollen.
Bildeserie:
Fredag i 8.15-tida kom det melding om kollisjon på Byvegen. Politi, ambulanse, lege og brannvesen rykte ut til ulykka, som var ved Jordmorsvingen.
Begge bilane hadde retning sør, mot Os sentrum, då den eine køyrde i den andre bakfrå.
– Det var éin person i kvar bil. Dei framsto som uskadd, men blir køyrd til legevakt for sjekk. Førar av den bakerste bilen, ei kvinne, er ganske rysta av hendinga, opplyser politiet på staden.
Bilførarane var edrue og hadde førarkort.
– Det er førebels ikkje tatt beslag i førarkortet til nokon, men det kan bli aktuelt.
Begge bilane blei raskt tatt inn på busslomma ved Os Næringspark, så resten av morgontrafikken gjekk som før.
Den bakerste bilen var mest skadd, men ikkje verre enn at den kunne køyrast nokre meter til ein parkeringsplass i nærleiken.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.