– Kom igjen spreke osingar!

Bildeserie:

1 av 2

Øvreeide er utelukkande positiv til konkurransen lokalavisene Midtsiden og Askøyværingen har sett i gang. Kven har dei sprekaste innbyggjarane? Den beste kommunen får utdelt 5000 kroner som går til anten Os Turlag eller Askøy Turlag.

– Det er jo friluftslivets år i år og vi i Os Turlag ønsker å få flest mogleg ut på tur. Denne konkurransen kan vera med å nå ut til enda fleire.

Her kan du melda deg på!

Os Turlag nærmar seg 1000 medlemmar, eit mål dei håper å nå innan året er omme.

– Hos oss er alle hjartleg velkomen til å bli med på tur, men det gjer ein del fordelar som medlem, som ulike rabattar, informasjon og medlemsbladet vårt.

Gjer i stand løyper

Turlaget er ein del av Bergen og Hordaland Turlag og er aktiv fleire dagar i veka.

Kvar torsdag er Trivselsgruppa ute og gjer i stand ulike løyper og stiar i kommunen.

– No manglar vi berre skilta så er Liafjellet klart, og Raudlistova er ferdig skilta.

Løypene blir og merka med ulik vanskelegheitsgrad og stiane blir betra. Neste prosjekt er Tøsdal over Borgafjellet.

– Vi har fått i stand avtaler med dei fleste grunneigarane og dei har vore positive til arbeidet vårt.

Klatring og barnas turar

Klatregruppa til turlaget held til på Nore Neset som har klatrevegg, og der har dei no fått midlar til buldrevegg.

– Og så er vi glad for at vi har fått avtale med nokon på Lio der dei kan få klatra på berg, for vi vil jo helst at dei skal vera ute i naturen.

Barnas Turlag har ein stor aktivitet i månaden, både sundagsturar, sjørøvartokt i Ervikane og telttur i Raudlistova er noko dei har på programmet.

– Så har vi jo ulike turgrupper faste dagar i veka , både for seniorar og andre.

– Og vi har andre aktiviteter som til dømes til helga, då skal vi på tur med overnatting på Tysnes og Stord.

Ei bygd full av moglegheitar

Tips til turar i Os har Øvreeide mange av. Han nemner både Liafjellet, Borgafjellet og Lyshorn som greie ettermiddagsturar. Og i nærmiljøa trekk han fram blant anna turområda på Bjåneshalvøya og Lekven.

– Vi har så mange moglegheitar her i bygda, både med fjell og sjø.

– No må vi ikkje gløyma konkurransen, vi må passa på å slå Askøy!

– Eg oppfordra medlemmane mine og alle andre spreke osingar til å bli med.

Vil du bli med å slå Askøy? Registrer deg her.