Magne Lunde. I dag får han denne. (Foto: Kjetil Vasby Bruarøy/Kjartan Hauglid, Det Kongelige Hoff)

Kongens medalje til Magne Lunde

I dag får trommespelar Magne Johan Lunde (60), truleg som første rockemusikar i Noreg, Kongens fortenstmedalje.

Av: Kjetil Vasby Bruarøy

Laurdag klokka 16 får Magne Lunde overrekt Kongens fortensmedalje i sølv. Seremonien finn stad i Oseana.

– Eg har vore med på mykje spennande, på scenen og i studio, fått gode spelejobbar og vunne fleire Spellemannsprisar, men bortsett frå å bli far og bestefar er dette det største som har skjedd meg, seier Lunde.

Magne har levd av å spela trommer i 44 år. Han er framleis aktiv i fleire band i tillegg til at han underviser ved Os kulturskule.

Ordføraren ønskjer velkomen

Medaljemottakaren har deltatt på 154 album, fleire av dei har selt til gull. Han har også ei rekkje Spellemannsprisar i stova heime på Halhjem.

– Magne har hatt ein heilt unik posisjon både i Noreg og i europeisk målestokk som attraktiv musikar både i studio og LIVE. Han har vore aktiv i mange år og er i tillegg med på å vidarebringa kunnskapen sin til komande generasjonar, seier ordførar Terje Søviknes.

- Det blir ei stor glede å sjå Magne få denne medaljen på brystet. Dette er ein stor dag for han og dei som vil er velkomne til å få med seg seremonien og nokre musikalske innslag i Oseana i dag, seier Søviknes.

Eit forbilde

Thomas Gallatin er tidlegare elev av Magne og blant anna spelt trommer for Marit Larsen. Han synes også det er stas med medalje til Lunde.

– Magne har i stor grad bana vei for fleire generasjonar trommeslagarar og andre musikarar i Noreg. Derfor er det veldig kjekt å høyra at han no får fortensmedalje, seier Gallatin.

– Først i Noreg

– Vi i miljøet synes dette er utruleg kjekt. Det er så vidt eg kjenner til første gong ein trommespelar, truelg også første gong at ein musikar innan rockesjangeren, får denne form for utmerking, seier professor Bruce Rasmussen frå Kristiansand.

Rasmussen er trommespelar, professor i rytmisk musikk og underviser ved Unversitetet i Agder. Han er læraren til blant andre verdsmeisteren i trommer, Baard Kolstad.

– Eg blei introdusert for Magnepå 70-talet. Frå før kjente eg til han frå band som Saft, som han nok er mest kjent for.

– Magne dreiv nybrotarbeid, han kom med noko nytt, var kreativ og ein du fort la merke til musikalsk, seier Rasmussen.

Rasmussen og Lunde har jamleg kontakt. Dei treff også kvarandre ofte.

– Det har vore ein glede å kjenna Magne alle desse åra og det er vel fortent at han får denne medaljen. Ekstra kjekt er det at han både er ganske aktiv sjølv og at han får brukt dei pedagogiske evnene sine, seier professoren frå UiB og gratulerer Magne med dagen og medaljen.

Les om Kongens fortenstmedalje på kongehuset.no

Fleire saker

bilde-midtsiden

Veit du kven tjuvane kan vera?

28. februar 2017

Tjuvane som stal tobakk og snus for omlag 40 000 kroner frå Joker Søfteland 15. februar blei måndag etterlyst på TV2-programmet Åsted Norge. Har...

bilde-midtsiden

Erik Walden på TV2 Øya

27. februar 2017

I vinter har vi sett 12 kvinner kjempa om å overleva på ei øde øy i Stillehavet. Når «herre-øya» kjem på TV er det med ein osing som deltakar.

bilde-midtsiden

– Kor raskt kan den realiserast?

27. februar 2017

PBU godkjende detaljreguleringa for elvepromenaden langs Oselvo. – Kva er framdrifts- og tidsperspektivet, undra Harald Døsen (Ap).

bilde-midtsiden

Vil ha publikum frå Os

27. februar 2017

– Topp 5 i verda, seier Fredrik Saroea om publikum frå Os. Datarock er husband for Stian Blipp Show, som har premiere i neste veke.

bilde-midtsiden

Ei varm og verdig eldreomsorg

27. februar 2017

Lesarinnlegg: Som 1 av 6 kommunar har Os kommune takka ja til å vera med på dette viktige prøveprosjektet.

bilde-midtsiden

Slått ut i siste sekund

27. februar 2017

Rogaland/Hordaland på høgde med NM-finalist, men Kim Daniel og Stian sitt lag rauk ut av medaljekampen.

bilde-midtsiden

Her blir Fosen trekt fri

26. februar 2017

Laurdag kveld blei MF Fosen slept av grunn i Hatvik. Søndag morgon blei ho tatt i slep til Rubbestadneset. MF Marstein kjem inn i sambandet.