Laurdag blir det igjen planteloppemarknad på Osøyro (foto: Os hagelag)

Kortreiste planter på Øyro

Laurdag kan du skaffe deg nye planter til hagen rimeleg når Os hagelag inviterer til planteloppemarknad på Osøyro.

Av: Andris Hamre

Som i fjor inviterer Os hagelag til planteloppemarknad på Osøyro. 

– Det er mange som har kjøpt seg tomt og som er i ferd med å etablera seg med hus og hage. Mange er interessert i å lage til ein hage, men det kan vera kostbart. Difor arrangerer vi planteloppemarknad på laurdag frå klokka 11 på Osøyro, fortel Jan Helge Gram Eggestøl i Os hagelag.

Kortreiste planter

Plantene er det ulike hagefolk i Os som har henta frå eigen hage og gjeve til Os hagelag.

– På den måten er det "kortreiste" planter. Det blir sal av ulike vekster som bærbuskar, staudar, krydderplanter og sommarblomar. Det er berre å nytte høve til å få fornya hagen, seier Gram Eggestøl.

Marknaden vil gå føre seg ved Baronselva bak Jernia Sælen.

Fleire saker

bilde-midtsiden

Sanner vitjar gründerparken

29. mai 2017

Kommunal- og moderniseringsminister Jan Tore Sanner (H) kjem tysdag til Os for å møta og læra av gode gründerar.

bilde-midtsiden

Populær kulturvandring

29. mai 2017

Publikum fekk både kulturelt og historisk påfyll då festspillene vitja Os med «Nordvegen».

bilde-midtsiden

Rekordrask opptur

28. mai 2017

Det blei nye rekordar både i dame- og herreklassen i Linken Opptur søndag. Éin deltakar tok like greitt åtte (!) fjell på ein dag.

bilde-midtsiden

Vil selja Ole B

28. mai 2017

Familien Søviknes vil selja både drifta og eigedomen på Buena i Lysefjorden.