Køyrde på bakhjulet - dømt til fengsel
Ein ungdom frå Os er dømt til fengsel på vilkår etter å ha køyrd fort og uaktsamt i Lysefjorden.
I 18.30-tida ein måndag i mars blei ein gut på motorsykkel stoppa av politiet på Lyseklostervegen.
Han hadde blitt målt til både 73,9 og 92,3 km/t i 50-sona, i tillegg hadde han køyrd på bakhjulet og prøvd å køyra på bakhjulet fleire gongar.
Sikta møtte i retten og tilsto. Han samtykka òg i avgjerd ved tilståelsesdom.
– Ein klar mangel på respekt
Påtalemakta foreslo 14 dagar fengsel på vilkår og 3000 kroner i bot som straff.
Nordhordland tingrett meinte at sterke allmennpreventive omsyn gjer seg gjeldande for denne typen køyring.
At sikta køyrde i over 73 km/t forbi Nordvik skule, passerte 90 km/t på smale og uoversiktelege Lyseklostervegen og i tillegg køyrde på bakhjulet, fekk retten til å formulera seg som dette:
«Kjøringen samlet sett viser en klar mangel på respekt for sentrale trafikkbestemmelser.»
Sikta blei dømt i tråd med påstanden til 14 dagar fengsel på vilkår, 3000 kroner i bot og 10 månadar utan førarkort. Han må avlegga delvis ny førarprøve for å køyra motorsykkel igjen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.