Lokal | 16. juli 2014

Kunde fekk nytt styrhus

Oppdraga er varierte for Tøsdal og Nordstrønen Motorservice AS, som denne sommaren berre rekk å ta tre dagar ferie.

Kunde fekk nytt styrhus
Joakim Nordstrønen (t.v.) og Morten Tøsdal leverte i går denne båten, med nybygd styrhus, til kunde. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 16. juli 2014 08:14

Bildeserie:

Oppdraget var overhaling av motor, men blei seinare utvida til bygging av styrhus, som T & N teikna sjølv. (Foto: Kjetil Vasby Bruarøy)
Oppdraget var overhaling av motor, men blei seinare utvida til bygging av styrhus, som T & N teikna sjølv. (Foto: Kjetil Vasby Bruarøy)
Båten har også fått nye luker og nytt elektrisk anlegg. (Foto: Kjetil Vasby Bruarøy)
Båten har også fått nye luker og nytt elektrisk anlegg. (Foto: Kjetil Vasby Bruarøy)
I vinter opna Tøsdal og Nordstrønen denne verkstaden i Kolskogheiane. (Foto: Kjetil Vasby Bruarøy)
I vinter opna Tøsdal og Nordstrønen denne verkstaden i Kolskogheiane. (Foto: Kjetil Vasby Bruarøy)
1 av 3
Oppdraget var overhaling av motor, men blei seinare utvida til bygging av styrhus, som T & N teikna sjølv. (Foto: Kjetil Vasby Bruarøy)
Båten har også fått nye luker og nytt elektrisk anlegg. (Foto: Kjetil Vasby Bruarøy)
I vinter opna Tøsdal og Nordstrønen denne verkstaden i Kolskogheiane. (Foto: Kjetil Vasby Bruarøy)

Dei to tidlegare klassekameratane Morten B. Tøsdal og Joakim A. Nordstrønen hadde fleire år med erfaring som bil– og båtmekanikar før dei starta selskapet Tøsdal og Nordstrønen Motorservice AS.

Dei to første åra med nytt selskap leigde dei seg vekk, i vinter satsa dei for fullt i eigen båtverkstad, med ein mobil forretningsidé der dei også reiser heim i bryggene og hagane til folk for å reparera båtar.

Les òg: Mobile mekanikarar

– Det har vore cirka 50/50 med reparasjonar ute i felten og inne på verkstaden. På verkstaden i Industrivegen har det vore smikkfullt innandørs og ute på plassen dei to siste månadane, blir det meir enn dette må vi tenkja på å utvida, seier Morten.

– Nokre av oppdraga har vore tidkrevjande oppgraderingar og no har vi fått ut ein del større prosjekt, som denne Rana 20-båten, som har fått full oppgradering.

Teikna styrhuset sjølv

Eigaren av Rana-en som blei levert i går, Jan Erik Tvedt Skjeldal, ville i utgangspunktet ha ei overhaling på motoren.

– Men så hadde eg nokre luker som var dårlege og eit ønskje om å få eit styrhus, fortel Jan Erik.

Morten og Joakim bygde ny konsoll og teikna eit ope styrhus rundt førarposisjonen.

– I tillegg har vi støypt nye luker og lagt opp nytt elektrisk anlegg. Innimellom reparasjonar og montering av motorar var dette eit kjekt oppdrag som vi har tatt litt over tid mellom andre oppgåver denne våren.

Kort ferie

Oppdraga har variert frå service og montering av ny motor til større reparasjonar og skifte av innanbordsmotorar i båter i Os og nabokommunane.

– I vår var det ein del service og småreparasjonar før sesongstart, på forsommaren kom større jobbar då enkelte kundar brått hadde motorar som ikkje virka. Vi har også byrja å få ein del jobbar i samband med forsikringsskadar.

Dei to båtmekanikarane kom seg ganske ajour til fellesferien og prøvde å ta seg ei veke ferie. Men måndag blei det jobbng frå klokka 7 til 20, også tysdag blei ein arbeidsdag.

– Vi har klart å halda ventetida nede på rundt det halve i forhold til fleire av verkstadane i by'n. Vi veit kor kjipt det er å ha ein båt som ikkje fungerer.

– Men no tar vi ferie tre dagar, så får folk venta til over helga om dei har trøbbel med båten.

Smart vinterlagring

Om nokre veker nærmar båtsesongen seg slutten for dei fleste, men Tøsdal og Nordstrønen trur at også hausten og vinteren kan bli travel.

– Vi har blitt kontakta av ein større marina i Bergen, der dei vil bruka oss til service før vinterlagring for medlemmane.

– Det er litt å gjera med ein motor når du tar båten opp, som kjøring i ferskvatn, konservering og skifte av girolje. Enkelte ting er rett og slett for seint å ta om våren.

– I tillegg er det smart i gjera båten mest mogleg klar før den blir lagra. Du veit aldri korleis vêret blir neste vår, det kan fort bli kø og venting mens sola skin og fjorden ventar. Skal du skifta noko har du dessutan haust og vinter på deg til å sjekka prisar på delar og bestilla det du treng så du er sikker på å vera klar for neste sesong så tidleg som mogleg.


Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.