Ny bil: Kristian Breivik Gjøen har, som storesøster Karoline, morfar Håvard Gåssand som mekaniker, bakkemannskap og største sponsor. (Privat foto)

Kvalifiserte seg på første forsøk

Kristian Breivik Gjøen stiller med ny bil og nesten dobbelt så stor motor i år. Det gav utslag i sesongopninga.

image
image
Av: Kjetil Vasby Bruarøy

I debutsesongen 2015 var han éin plass frå å koma til landsfinalen, i fjor klarte han det på andre forsøk.

I helga starta Kristian Breivik Gjøen bilcross-sesongen med ny bil.

– Vi har berre hatt bilen ute av verkstaden éin gong, på ein treningstur på Eikås. Det er uvant med ny bil og større motor, men det gjekk i grunnen ikkje så lang tid å venna seg til den, seier Kristian.

Bilen, ein Golf 3 med 2,0 liter motor, har originalt 150 hk. Eit bra steg opp frå førre Golf med 1,6 liter.

Starta med tre andreplassar

Kristian starta kvalifiseringsløpet med 2. plass i alle dei tre innleiande heata.

Han fekk andre spor i B-finalen, som han vann, og dermed var han allereie topp 6 og kvalifisert til landsfinalen.

Låg som nummer to i A-finalen

Med siger i B-finalen fekk han ein av dei fem plassane i A-finalen.

Her starta Kristian bra, og låg lenge som nummer to, men som måtte han gje seg.

– Oljetrykkslyset varsla om at noko var gale, så eg stoppa bilen for ikkje å risikera større skade på motoren. No blir den fiksa så den er klar til neste løp.

Kristian var nær sin første plass på pallen, 4. plass er beste resultat til no, men ser nok fram til å koma på banen igjen med den nye bilen.

• Midtsiden samleside: Motorsport

 

 

 

 

Fleire saker

bilde-midtsiden

Iskaldt comeback

24. april 2017

Alexander Heggland har ikkje spelt Norgescup på fire år. Comebacket i helga blei ei kald oppleving.

bilde-midtsiden

Vinter i april

24. april 2017

I går kom snøen, i dag kom sola - og i neste veke skal det bli minst 10 gradar varmare.

bilde-midtsiden

Spennande song og dans på Haugland

24. april 2017

Kajsa Balto tolkar norsk folkemusikk med samiske tonar i Studio E39. Kristine Nilsen Oma kjem med spesiell danseframsyning.

bilde-midtsiden

Alle vil feira 70-åringen

23. april 2017

MS Midthordland fyller 70 år i år. Kommunane Samnanger, Fusa, Tysnes og Os vil ha cruise for å feira «Dronninga av Bjørnafjorden».

bilde-midtsiden

Dyr køyring i sentrum

23. april 2017

Fekk 5350 kroner i forenkla forelegg for å køyre i sentrum natterstid. Mann herpa biler og var valdsam.