Mods på 80-talet. (Faksimile frå best of-albumet «Gje meg litt merr!», 2006)

Lager ny tur frå Os til Mods-konsert i Stavanger

Eigarane av MS Midthordland, MDS, har to gongar tidlegare spedd på inntektene med innleigd og utselt hurtigbåt til populære konsertar.

Av: Kjetil Vasby Bruarøy

Gjenforeningskonserten «Ein gang te!» med Stavanger-bandet Mods, som på 80-talet kom med låtar som «Tore Tang», «Meg må du hilsa på (Du e mislykka)» og «Me to går alltid aleina», overraska alle då dei selte ut Viking Stadion (ca 25.000) i 2012.

Også musikkmeldar «Engelen» i BT blei tatt på senga og tatt på ordet, så han måtte gå til fots til Stavanger for å dekka konserten.

Delar av publikummet kom frå Os, Fusa og Tysnes med båt, chartra av Det Midthordlandske Dampskibsselskab, eigarane av blant anna MS Midthordland.

– Både turen til Mods i 2012 og til Robbie Williams i Stavanger i 2013 blei utselt. Dette har vore gode inntektskjelder til reieriet, seier Helge Andersen hos MDS.

Fem stopp mellom Bergen og Stavanger

Då det blei sett opp ny Mods-konsert på Viking Stadion 17. juni i år, «Fem år e gått!», var MDS raske med å sikra seg billettar nok til ein full båt.

– Konserten blei utselt på kort tid. No er det sett opp éin til dagen før, men det er 17. juni vi reiser.

MDS har hyra inn Tide sin båt, «Admiralen», og byr på 250 sete med konsertbillettar. Avreise er frå Bergen klokka 11.45 på formiddagen, med stopp i Os, Venjaneset, Våge, Sunde og Leirvik før ankomst Jåttavågen, fem minutt å gå frå Viking Stadion, klokka 18.00.

– Lang dag og kjekk tur

Retur frå Stavanger er klokka 23.20 og ankomst Os er 03.35 (Bergen 04.35), men det har vore nokre fantastisk kjekke turar. 

– Det blir ein lang dag. Men vi har skjenkeløyve om bord og det har vore god stemning heile vegen.

– Heim igjen er dei fleste nøgde og trøytte. Det plar vera MDS-medeigar Arne Halhjem som er skipper på turane, og han er flink til å køyra på folk som er på fest.

Før påske var det selt 62 av 250 billettar til turen.

Fleire saker

bilde-midtsiden

Nye Flesland

19. august 2017

Les om arkitekturen og kapasiteten - og se liste over de nye butikkene og restaurantene.

bilde-midtsiden

Frå Fana til Os

18. august 2017

Etter to sesongar i 2. divisjon har Skage Simonsen Lehland (19) blitt klar for Kuventræ.

bilde-midtsiden

Sommaren gjorde comeback!

18. august 2017

Fredag midt på dagen fekk vi ein forsmak på finvêret vi har i vente frå søndag og ut neste veke.

bilde-midtsiden

Framdrift på Lyssand

18. august 2017

Gatelys kan koma i oktober, men Hegglandsdalsvegen må utbetrast og flyttast før gangveg kan byggast.

bilde-midtsiden

– Vern om verdiane i hamna

18. august 2017

Natt til torsdag blei utstyr stole frå ein båt i Hatvik. – Dette er ei tid med høgare risiko for tjuveri, åtvarar politiet.