Låst i loddrett posisjon

I november i fjor monterte Os kommune opp bommar ved begge inn- og utkøyringane til parkeringsplassen framfor rådhuset for å rydda plass for fleire kundar i Os sentrum.

Parkeringa skal etter planen vera stengd frå midnatt til klokka ni på mogonen, slik at ikkje parkeringsplassane blir misbrukt av pendlarar eller folk som jobbar i sentrum.

Bommane ut av parkeringsplassen skulle opnast automatisk når ein bil nærma seg, men slik fungerer det ikkje for augeblikket.

– Bommane står no permanent opne i heile opningstida. Vi har hatt problem med styringssystema, mellom anna har to bilistar fått bommen i taket den siste veka, fortalde kommunalsjef for samfunnsutvikling, Aina Tjosås i plan- og bygningsutvalet førre veke.

Ho fortalde samstundes at styringssystema no skal bli bytta ut og at ein då reknar med å bli kvitt problemet.