Lastebilsjåfør meldt etter å ha mista stein

Onsdag i 18-tida blei ein lastebil stoppa i Industrivegen. Politiet var på patrulje i området og observerte sjølv at bilen mista stein.

– Vedkomande fekk pålegg om å sikra lasta. Han blei òg meldt for å ha køyrd med usikra last, fortel politioverbetjent Audun Hadler-Olsen.

• Les òg: Steinen gjekk gjennom (!) bilen

Seinare møtte patruljen ein skapbil på Søfteland som såg ut til å vera tungt lasta.

– Då dei opna skapdørene viste det seg at bilen var lasta med mykje tungt, usikra gods, som batteri og bildelar. Desse var usikra, og ved eventuell samanstøyt kunne dei skapt farlege situasjonar.

Førar, også det ein mann i 50-åra, fekk pålegg om å sikra lasta før han køyrde vidare.

Fann narkotika

Grunna mistanke om narkotika oppsøkte politiet eit husvære i Os onsdag ettermiddag/kveld.

Det blei funne noko hasj og ein 20-åring er mistenkt for besittelse.

– Det blei tatt avhøyr på staden og mistenkte erkjente forholdet.