Sport | 28. mars 2017

Leik imponerte for Bodø/Glimt

– Eg er veldig glad for at han kom til oss, seier trenar Aasmund Bjørkan etter kamp mot Tromsø.

Leik imponerte for Bodø/Glimt
Vegard i sin første kamp for Glimt, borte mot Tromsø. Tysdag 4. april er seriestart. (Foto: Nils-Jarle Sætre, TIL.no)
Kjetil Vasby Bruarøy
Kjetil Vasby Bruarøytirsdag 28. mars 2017 06:21

Søndag spelte osingen Vegard Leikvoll Moberg sin første treningskamp med sin nye klubb.

• Les òg: Førebudd på konkurranse i Bodø

Kampen gjekk på Alfheim, med andre ord på bortebane mot Tromsø. Tromsø tok 34 poeng og landa på 13. plass i Tippeligaen i fjor, målforskjell frå å hamna i kvalifisering. Bodø fekk 30 poeng og rykte ned til OBOS-ligaen.

Også i treningskampen, der det snødde tett og det var brøyting i pausen, var det jamt.

Bodø/Glimt tok leiinga i 12. minutt, vertane utlikna og gjekk opp i 2-1 før pause. Så gjekk Bodø/Glimt opp i 2-3 før Tromsø utlikna. Kampen enda 3-3.

Spelte frå start og imponerte

Vegard Leikvoll Moberg spelte frå start. Bodø/Glimt skriv dette om Vegard på si heimeside:

«Fra start var blant annet den nye mannen Leikvoll Moberg, og den tidligere Åsane-kapteinen imponerte fra sin midtbaneposisjon. 26-åringen turte å holde på kula, og var både opp og ned på banen i sin debut.»

– Eg er veldig glad for at han kom til oss. Han utfyller dei andre på ein god måte, med komplimentære ferdigheiter. Hans duellkraft og innsats blir sikkert viktig for oss både i 2017 og i åra framover, seier hovudtrenar Aasmund Bjørkan til Midtsiden.

Bodø/Glimt startar serien mot Kongsvinger 4. april. Då blir det oppgjer mellom Vegard og ein annan osing, Mats Cato Moldskred.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.