Lesarane sin tur

Inspirert av 8. klassingane på OPPTUR har vi fått turlagsleiar Linda Ann Lohne til å gje oss nokre av sine favorittar i bygda. Samstundes har vi bedt om lesarane sine beste tips.

Turtips 1: Svinningen - Midtsæterfjellet.
Turtips 2: Bjånes - Moldaneset - Smievågen
Turtips 3: Røttingen/Kobbavågen
Turtips 4: I raudlikongens rike

Eit tips som har kome inn som vi ikkje har omtala er turen frå Hegglandsdalen til Rødsfjellet.

- I går kveld var eg med vener på ein nydeleg tur til Rødsfjellet. Turstart: Hjemdal i Hegglandsdalen, retning Krokvatnet.  Eg liker best å gå løype B opp, start lengst inne og løype A attende. 3 damer mellom 60 - 65 år brukte i går knapt 3 timar. Løypa er godt merka, skriv tipsaren til oss.

Gudrun Heggland skriv i boka "På mjuke stiar og flotte fjell i Os" fylgjande om Rødsfjellet:

- Rødsfjellet er eitt av dei fjella som har fått "nytt liv". Etter at Os Turlag og Hegglandsdalen Idrettslag tok fjellet med i programma sine, er det mange fleire som brukar dette fjellet enn det var tidlegare.

- Denne turen kan gjerast på to timar, men det kan like gjerne gå fem timar før ein er nede att. Det er ein fin familietur.

- Oppe frå toppen ser ein vidt omkring, ned i Hegglandsdalen, innover mot Svinningen og Samnangerfjella. Det er godt bærterreng.

Midtsiden.no avsluttar med dette miniserien om turtips i Os og ønsker alle ein riktig god tur.