I tillegg til vakthaldet ved Osfest har politiet ekstra bemanning denne helga. (Foto: Kjetil Vasby Bruarøy)

Lite tull på Osfest

To menn blei vist vekk - av kvar si årsak.

Av: Kjetil Vasby Bruarøy

Fredag starta Osfest, samtidig var det bra med folk på utestadane i Os sentrum, ikkje minst hos Hanne's Konditori og Musikkbar, som køyrer eige liveprogram denne helga.

Med godt vakthald på festivalen og ekstra med politi på patruljering var det duka for orden på Øyro, og sånn blei det.

– Loggen frå fredag og natt til laurdag tyder på at første festivalkveld har gått fint, seier politiførstebetjent Rune Fimreite.

To menn blei viste vekk frå festivalområdet.

– Den eine grunna oppførsel, den andre fordi han kjøpte alkohol til mindreårige.

Også i Os sentrum fekk ein mann i 20-åra pålegg om å fjerna seg grunna måten han oppførte seg på.