Lotto-millionær frå Os!

Det var 13 nordmenn som fekk litt av ein førjulspresang laurdag då den rekordstore SuperLotto potten på 57 millionar kroner blei delt ut.

4 av vinnarane er frå Hordaland, og blant dei er det ein 63-årig mann frå Os.

Dei fleste nybakte millopnærane fekk dei tilsette i Norsk Tipping kontakt med rett etter trekning og det var fleire jublande glade vinnarar dei fekk snakka med.

Mannen frå Os var det ikkje ikkje like lett å få tak i laurdag, men teamet frå Norsk Tipping heldt fram utover kvelden med å få gitt han den store nyheita.

– Vi fekk til slutt tak i han laurdag kveld, fortel Ingrid R. Mathisen, ansvarleg for vinnaroppfølging i Norsk Tipping.

Mannen hadde ein roleg kveld foran TVen heime med kona og hadde ikkje fått med seg sjølve trekninga.

Fekk gje bodskapet to gongar

– Vi opplever heile spekteret av reaksjonar, alt frå dei som er heilt rolege til vill jubel.

63- åringen frå Os var ein av dei som tok beskjeden om at han var blitt milionær med fatning.

– Han var roleg, men sjølvsagt veldig glad og ville at kona skulle få oppleva det same.

Han gav ho telefonen og kvinna frå Norsk Tipping fekk gje det gledelege bodskapet to gongar.

Vinnarkupongen blei levert på Rosvold Sport i oktober, mannen som leverte og vann ønskjer å vera anonym.

SuperLotto er ei trekning der alle Lotto-kupongar levert i inneverande kvartal er med i trekninga.

Kvar av dei 13 vinnarane kan sjå fram til å få 4.384.615 kroner i på konto.