Lurde sin eigen arbeidsgjevar - to gongar

Denne veka sto ein mann i 30-åra frå Os sikta for svindel og dokumentfalsk i Bergen tingrett.

Mannen, som jobbar i Bergen, hadde gjeve seg sjølv ein rabatt på 14.000 kroner på ei vare som kostar 24.000.

Vara blei øydelagd eit år seinare, og då leverte han den inn med ein forfalska kvittering som sa at han hadde kjøpt den til full pris.

Sikta er tidlegare ustraffa. Han møtte i retten og tilsto.

Påtalemakta ba om 30 dagar fengsel på vilkår og 6000 kroner i bot.

«Siktede har – i to omganger og med rundt et års mellomrom – brutt et tillitsforhold. Disse omstendigheter er straffeskjerpende (...) Like fullt gis han noe rabatt for tilståelsen» står det i dommen.

Sikta har inngått avtale med fornærma om tilbakebetaling av beløpet. Det var dermed ikkje reist krav om erstatning.

Mannen blei dømt til 25 dagar fengsel på vilkår. Fullbyrding av straffa er utsett med prøvetid på to år.