Må reise seg

Kampen i Lysefjorden starta jamnt med gjestane småfarleg frampå allereie etter 2 minutt. Seks minutt seinare var det vertane som var farleg frampå. Lysekloster kom rundt på kanten, men ingen av dei tre Lyseklosterspelarane hadde lang nok tå til å pirke innlegget over streken.

I staden er det VIF 2 som kontrar minutter seinere. Dei speler seg gjennom Lyseklosterforsvaret og Simen Kristiansen Juklerød bankar ballen utagbart bak Chris Sunde Midtun til 0-1.

Etter 21 minutt er det Baste Jonassen sin tur for heimelaget. Han står umarkert i feltet og får klinke ballen i mål. Igjen hadde vertane kome rundt på høgresida.

Men jublene på Edne stilna fort. Tre minutt seinare var Juklerød igjen på farten. Denne gongen var ikkje skotet godt, men Chris Sunde Midtun slepp likevel ballen mellom beina og i mål.

– Vi er bra med fram til 1-2. Deretter raknar det og det ser ut som guttane mister troen. Vi hadde mykje å ta tak i i pausen, seier Lysekloster-manager Thomas Sandal.

Etter den andre VIF-skåringa er det eit tamt Lysekloster-lag utpå banen. Dei mangler fullstendig innsats og tempo.

God start på 2. omgangen

Dette fekk Sandal retta på i pausen og det var eit heilt anna tempo og innsats i starten på 2. omgang.

Etter berre tre minutt er Lysekloster farleg frampå med ei stor dobbeltsjanse. Men skota går i stolpen og blir blokkert av VIF-forsvaret.

Like etter kjem Sigve Rørstad rundt på venstresida, men skotet blir slått til corneren. Ståle Steen Sæthre er høgst på innlegget, men VIF-keeperen klarer å blokkera headinga på streken.

Det første kvarteret av omgangen gir dei snaut 200 tilskoderane på tribunen trua på at Lysekloster skulle klare å ta dei første poenga i PostNord-ligaen, men dei unge VIF-spelarane klarte å rydde unna.

I staden blir Lysekloster-spelarane meir og meir frustrerte. I løpet av fem minutt midtvegs i omgangen snakkar og spelar fire av spelarane på seg gule kort.

Lysekloster - VIF2 2-3 (1-2)
Lysekloster sitt lag: Chris Sunde Midtun, Gojko Ivkovic, Ola Sjømæling, Denis Ljubovic, Aleksander Andersen (Ken-Joar Føyen 84 min), Ståle Steen Sæthre, Baste Jonassen, Hans-Christian Nysæther, Thomas Helland (Sigve Rørstad 45 min), Tommy Gaustad (Sindre Hitland Flaa 61 min), Christer Olsen

Gule kort på Lysekloster: Baste Jonassen, Christer Olsen, Sigve Rørstad, Gojko Ivkovic, Ståle Steen Sæthre, Hans-Christian Nysæther

Etter 81 minutt tråklar Aron Dønnum seg gjennom Lysekloster-forsvaret og tek gjestene opp i 1-3. Skotet var hardt og velplassert, men forsvaret var vel passivt før han kom til skotmoglegheiten.

Fekk dommerhjelp

Heilt på tampen av kampen, i det 89-minutt er VIF igjen på veg på ei kontring. Når Lyseklosterspelarane ikkje klarar å stoppe kontringa, gjorde dommaren det i staden. Han sto i vegen for ein tversoverpasning. Ballen ender hos ein Lysekloster-spelar og Ståle Steen Sæthre kjem seg fri og bankar ballen i VIF-målet.

– Vi klarer å komma rundt på kantene i starten av andre omgangen, men totalt sett er dette for dårleg. I dag er det mange som er langt under pari, oppsummerer Thomas Sandal.

TERMINLISTE OG TABELL