Må ut med 17.000

Ein mann i 30-åra frå Fusa blei i mars stoppa på Hatvikvegen etter at politiet hadde målt varebilen hans til 84 km/t i ei 50-sone.

Målinga blei gjennomført med Trip-Track snittfartmålar og tiltalte nekta for at målinga var korrekt.

Han møtte i retten og innrømte å ha kjørt for fort, men hevda at farten berre var på rundt 66 km/t.

Måledistansen var på 255 meter med 32 meter tryggleiksmargin, noko som er større margin enn det instruksen seier.

Nordhordland tingrett fann ikkje grunnlag for at det hefta feil ved målinga, og bildeteljing av video viser dessutan at farten var 96 km/t før tryggleiksmarginen blei trekt frå.

Tiltalte blei dømt til å betala 11.000 kroner i bot og 6000 kroner i sakskostnadar.

Han må også tola å vera 6 månadar utan førarkort, til frådrag kjem perioden førarkortet har vore beslaglagt.