Målretta jakt førte til god narkofangst
Politiet var både på ransaking og på patrulje med sivil bil. To blei tatt med narkotika, ein av dei mens han køyrde bil.
Tysdag i 19-tida oppsøkte politiet ei adresse litt utanfor Os sentrum på bakgrunn av mistanke om narkotika.
– Eigar av bustaden, ein mann i 30-åra, var heime. Vi fann mindre mengde stoff i leilegheita, truleg hasj. Det blei tatt beslag i dette og vedkomande er meldt, opplyser politioverbetjent Audun Hadler-Olsen.
I 22-tida blei ein bil stoppa på Hatvik. Det blei funne mindre mengder hasj på bilførar.
– Vedkomande er mistenkt for å køyra bil i ruspåverka tilstand. Det blei tatt beslag i førarkort og stoff og mannen, som er i 20-åra, blei tatt med til legevakt for blodprøve.
Målretta innsats
Bilisten blei stoppa på bakgrunn av mistanke.
– Vi patruljerte både uniformert og i sivil bil. Køyring i rus har vore eit stort og veksande problem dei siste åra, og når vi har ledig kapasitet så jobbar vi målretta for å få dei som har eit rusproblem ut av trafikken.
– Fleire av dei som har problem med narkotika har også fleire utfordringar. Når nokon blir mistenkt for narkotikamisbruk så fører det gjerne med seg vidare oppfølging, seier Hadler-Olsen.
Han nemner ransaking av heimen og, om dei har born, oppfølging av barnevernet, som eksempel.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.