Mandig og vart

Bildeserie:

1 av 2

Første søndag i advent inviterte Os mannskor til adventskonsert i Nore Neset kyrkje. Med seg hadde dei fått det relativt nystarta koret «Tilslørte bondepiker» og elevar frå Kongshaug Musikkgymnas. Snakk om ein vellykka match!

Først ut var det fyldige mannskoret, kor bassen brumma godt i kyrkjekoret. Dei opna med ein sesjon av meir tradisjonelle mannkorsongar, kor den norske versjonen av «You'll never walk alone», «Du skal aldri ensom gå» av Kjell Skyllstad (omsett til nynorsk av Harald Lyssand) var det store høgdepunktet.

Ei fullsett Nore Neset Kyrkje fekk så sjå òg høyra dei 12 tilslørte bondepikene, mellom anna saman med Torbjørn Sandmo på cello.

– Vi er eit nytt kor, knapt to år gamle. Det er stort for oss å få synga saman med vårt absolutte yndlingsmannskor. Vi kan ikkje ta dei på volum, men har i staden satsa på bling og paljettar, smilte Mari Lyssand på vegne av damene.

Dei varta opp med både Jakob Sande og Odd Nordstoga sin «Heim til jol» under kyndig rettleiing av gjestedirigent og akkopagnør Knut Vidar Garlid før elevane frå Kongshaug og etterkvart mannskoret slapp til igjen med meir tradisjonelle julesongar.