Mann i sjøen - kvinne mistenkt for båtpromille
Kvinna køyrde båten til land med ektemannen på slep.
Politiet rykte ut til Os hamn i vinterkulda laurdag kveld.
– Nokon hadde høyrd rop frå hamna, så vi rykte ut, fortel operasjonsleiar Lars Geitle i Vest politidistrikt.
Brannvesenet rykte ut med tre redningsdykkarar og var raskt på staden.
Med mannen på slep
Meldinga kom klokka 23.41. Det viste seg at eit ektepar i båt hadde problem rett utanfor bryggene på austsida av hamna.
– Mannen hadde ramla i sjøen og blei hengande bak på båten. Kvinna klarte å manøvrera båten til land så mannen kom seg opp på brygga.
Mistenkt for promillekøyring
Begge to skal ifølgje politiet ha vore godt skjenkt.
Kvinna, som er i 40-åra, blei tatt med for blodprøvetaking og er mistenkt for promillekøyring.
– Ramla mannen frå brygga eller båten?
– Båten skal ha vore i drift då mannen ramla overbord, seier Geitle.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.