Sjantiar med Os Mannskor

Mannskoret med sjantiar til Os

Os Mannskor varta opp med sjantiar då Statsraad Lehmkuhl segla frå Os til Bergen laurdag.

Av: Andris Hamre

Vel 120 passasjerar hadde løyst billett til cruise med Statsraad Lehmkuhl frå Bergen til Os laurdag førmiddag. Ombord blei det servert reke- og sildebord med tilhøyrande drikke. I tillegg stilte store delar av Os Mannskor opp med underhaldning, både då den stolte skuta kasta loss i Bergen, midtfjords i Korsfjorden og igjen då Statsraad Lehmkuhl stevna inn Bjørnafjorden mot Os hamn.

Det blei tre sett med sjarmerande sjantiar, nett som dei gamle sjømenna truleg song den gang Statsraad Lehmkuhl var ny. Sjantiane var nemleg arbeidsskogar på segleskutene som sjøfolka song for å halde moralen og rytmen oppe på tunge og tøffe seglasar.