Sport | 28. feb. 2015

Maria steppar inn som coach

8. plass møter 7. plass når Os i morgon tar imot Årstad. Gitte har henta inn Stangeland Lunde til å leia damene.

Maria steppar inn som coach
Maria Stangeland Lunde, her i kamp for Os i 2013, skal søndag leia lagvenninnene mot tabellnabo Årstad. (Foto: KVB)
Kjetil Vasby Bruarøy
Kjetil Vasby Bruarøylørdag 28. feb. 2015 09:49

Søndag speler både herrelaget og damelaget til Os på heimebane. Herrelaget ligg på 4. plass og tar imot BI på 6. plass.

Damene tar imot Årstad, som ligg eitt poeng framfor etter 17 spelte kampar. Os tapte 35-33 borte i desember.

– Os har blitt betre den siste tida. Forsvaret har sett seg og dette er ein kamp jentene ønskjer å vinna, seier Maria Stangeland Lunde, som er ute i permisjon etter at ho fekk ei dotter første nyttårsdag.

Os-trenar Gitte Torp er på reise for å sjå dottera Mia spela kamp med Bylaget og har henta Maria inn som coach når Os møter tabellnaboen.

Kan bli målrikt

Maria har fått med seg nokre av kampane til lagvenninnene, og var tidlegare denne veka og såg dei i trening.

– Eg trur det skal gå fint å leia dei i kamp. Dei har også fleire leiartypar på laget, som Madeleine og Hilde Kristine, så det skal gå bra.

Årstad har skåra 68 mål meir enn Os på 17 kampar, men dei har også sleppt inn 98 fleire mål.

Det kan med andre ord bli målrikt i Oshallen søndag ettermiddag.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.