Næringsliv | 14. nov. 2014

Maritime gasellebedrifter i Os

Denne veka kom DN si gasellekåring for Hordaland. På lista finn vi fleire frå Os, og dei beste driv i maritim bransje.

Maritime gasellebedrifter i Os
Jarle Sørstrønen, administrerande direktør i NDM. (Bilde frå opning av utvida lokaler. Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 14. nov. 2014 13:01

Bildeserie:

Bjørn Anders Brimsholm, medeigar i Samba AS. (Foto: KVB)
Bjørn Anders Brimsholm, medeigar i Samba AS. (Foto: KVB)
Inka-eigar Karsten «Kakki» Austevoll. (Foto: KMAL)
Inka-eigar Karsten «Kakki» Austevoll. (Foto: KMAL)
Bjarte Bøe frå Grunn&Betong. (Foto: KVB)
Bjarte Bøe frå Grunn&Betong. (Foto: KVB)
Frank Hjelle og Helge Austevoll er på topp 10 i fylket. Men selskapet har adresse i Bergen. (Foto: KVB)
Frank Hjelle og Helge Austevoll er på topp 10 i fylket. Men selskapet har adresse i Bergen. (Foto: KVB)
Osingen Rune Klett (midten) er gründar av Bookkeepers, som er gaselle for 8. gong. (Privat foto)
Osingen Rune Klett (midten) er gründar av Bookkeepers, som er gaselle for 8. gong. (Privat foto)
1 av 5
Bjørn Anders Brimsholm, medeigar i Samba AS. (Foto: KVB)
Inka-eigar Karsten «Kakki» Austevoll. (Foto: KMAL)
Bjarte Bøe frå Grunn&Betong. (Foto: KVB)
Frank Hjelle og Helge Austevoll er på topp 10 i fylket. Men selskapet har adresse i Bergen. (Foto: KVB)
Osingen Rune Klett (midten) er gründar av Bookkeepers, som er gaselle for 8. gong. (Privat foto)

Onsdag hadde Dagens Næringsliv konferanse i Bergen i samband med si årlege kåring av gasellebedrifter.

Av 302 gaseller frå Hordaland finn vi 10 frå Os. I rangeringa av desse ser vi at tre av dei driv innan offshore og maritim retning.

22. plass: Norwegian Deck Machinery AS (vinsj, olje og gass)
Omsetnad i 2013: 73,4 millionar kroner
Vekst frå 2010 - 2013: 532 prosent

38. plass: Samba AS (sjøtransport)
Omsetnad i 2013: 14,8 millionar kroner
Vekst frå 2010 - 2013: 305 prosent

90. plass: Inka AS (fiskeforedling)
Omsetnad i 2013: 88,4 millionar kroner
Vekst frå 2010 - 2013: 253 prosent

– Ikkje så viktig for oss

Den bedrifta i Os som skårar høgast i Hordaland på DN si gasellekåring er NDM (Norwegian Deck Machinery AS), som driv med både vinsjar og produkt til olje- og gassnæringa.

– Det er hyggeleg å bli nemnt, men vi er ikkje så opptatt av dette med gasellekåring. Vårt fokus er å bygga ei sunn bedrift og ein god arbeidsplass, seier administerande direktør Jarle Sørstrønen.

Selskapet har vakse i omsetnad frå 14,5 millionar kroner i 2011 og 30,7 i 2012 til 73,4 millionar (!) i 2013.

– Ei av årsakene til veksten er at vi har slått saman verksemda i to selskap til eitt, men vi har også auka salet kraftig. I år ligg vi an til å landa på rundt 100 millioner kroner og vi har 160 til 170 millionar kroner i ordreresarvar.

NDM har 30 tilsette, 26 av dei på hovudkontoret i Ulvenparken på Os, 2 ved NDM Ulsteinvik i Ulsteinvik og 2 tilsette ved NDM Polen i Gdansk. Dette kjem i tillegg til innleigd produksjon på eksterne fabrikkar i utlandet.

Sterk byggebransje

27 prosent av gasellebedriftene i Hordaland er i bygge- og anleggbransjen. Det er også fleire innan bygg og anlegg blant gasellene frå Os.

Her er dei andre sju, med plassering på fylkeslista, omsetnad og vekst frå 2010-2013.

129. Byggmester Skåtøy AS, 8,5 millionar kroner/164 prosent vekst
152. Os Maskinering AS, 39,7 millionar kroner/147 prosent vekst
190. Brødr. Borgen Ferdigbetong AS, 44,6 millionar kroner/128 prosent vekst
199. Blaze AS, 7,2 millionar kroner/124 prosent vekst
200. Many AS, 4,0 millionar kroner/147 prosent vekst
214. Grunn&Betong AS, 8,0 millionar kroner/127 prosent vekst
241. Varme & Rørteknikk AS, 8,5 millionar kroner/120 prosent vekst

På DN.no kan du sjå heile lista og fleire detaljar om gasellebedriftene frå Hordaland.

Delvis frå Os

Blant gasellebedriftene finn vi også fleire med tett tilknytning til Os.

Glassmester Helge Austevoll AS, som har hovudkontor i Finnebrekka, men firmaadresse i Bergen, er på 10. plass i Hordaland.

Selskapet omsette for 8,2 millionar kroner i 2013 og har vakse med 521 prosent dei siste tre åra.

Rekneskapskontoret Bookkeeper Vest AS, som nyleg etablerte dotterbedrift og avdeling på Os, blei stifta då osingen Rune Klett sitt selskap fusjonerte med eit rekneskapskontor på Søreide.

Bookkeeper Vest AS er gasellebedrift for 8. året på rad. Selskapet omsette for 20,3 millionar kroner i 2013, og saman med ulike dotterselskap (BK Vest) blir omsetnaden i 2014 på rundt 55 millionar kroner.

Fleire enn i fjor

I år viser DN ei liste over 10 gasellebedrifter frå Os.

Vi må fire år tilbake for å finna like mange gasellebedrifter i kommunen vår:
(Med lenkje til tidlegare omtale av gasellene frå Os, år for år)

• 5 gaseller i 2013
• 4 gaseller i 2012
• 3 gaseller i 2011
• 10 gaseller i 2010
• 12 gaseller i 2009
• 14 gaseller i 2008

Om Gaselle-kåringa

«Gaselle» er eit namn Dagens Næringsliv har innført for norske bedrifter med ryddig økonomi og jamn vekst over fleire år. Av alle aktive bedrifter med omsetnad over 1 million kroner er det kvart år berre cirka 5 prosent som kan kalla seg gasellebedrift.

Gasellebedrifter må ha:
• Levert godkjente rekneskap
• Minst dobla omsetnad over fire år
• Omsetnad på over éin million kroner første år
• Positivt samla driftsresultat
• Unngått negativ vekst
• Vore organisert som aksjeselskap

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.