Andre Matos har signert for Lysekloster (foto: Lysekloster IL)

Matos klar for Lysekloster

Har jakta han sidan i sommar.

Av: Andris Hamre

Tysdag blei Mats Walberg klar for Lysekloster. I dag blei laget forsterka ytterlegare, då André Matos signerte for munkane.

Matos har tidlegare spelt for Juventude de Evora, Portimonense, Øystese og Fana.

– Vi har hatt Matos i kikkerten ei stund. Han var ein spelar vi prøvde å få inn under overgangsvindauget i sommar, men då lukkast vi ikkje, fortel Svein Kollen, sportsleg leiar i Lysekloster.

– Eg er veldig nøgd med at vi har fått han på plass. Han passar perfekt inn i vår spelestil, seier Kollen om den 21 år gamle portugisaren.

André Matos speler forsvar/midtbane.