Kultur | 15. nov. 2014

Med kamera og sonane på tur

Bjarte Løvaas Haugland fann igjen gleda med å fotografere. Det har gitt både internasjonal og norsk heider, sist to sølv i haustens NM-runde.

Med kamera og sonane på tur
Kameraet og sonane, Emil og Lasse, er ofte med når Bjarte Løvaas Haugland er ute på tur (foto: Andris Hamre)
Andris Hamrelørdag 15. nov. 2014 08:21

Bildeserie:

Vinnarbilete og sølv i NM: «Attack Close Up» (Foto/Copyright: Fotograf Bjarte Løvaas Haugland)
Vinnarbilete og sølv i NM: «Attack Close Up» (Foto/Copyright: Fotograf Bjarte Løvaas Haugland)
Sølv i NM: «Rain trip» (Foto/Copyright: Fotograf Bjarte Løvaas Haugland)
Sølv i NM: «Rain trip» (Foto/Copyright: Fotograf Bjarte Løvaas Haugland)
Hederlig omtale i NM: «Stars and tree« (Foto/Copyright: Fotograf Bjarte Løvaas Haugland)
Hederlig omtale i NM: «Stars and tree« (Foto/Copyright: Fotograf Bjarte Løvaas Haugland)
Antatt i NM: «Tunnel man» (Foto/Copyright: Fotograf Bjarte Løvaas Haugland)
Antatt i NM: «Tunnel man» (Foto/Copyright: Fotograf Bjarte Løvaas Haugland)
Antatt i NM: «Shadow man» (Foto/Copyright: Fotograf Bjarte Løvaas Haugland)
Antatt i NM: «Shadow man» (Foto/Copyright: Fotograf Bjarte Løvaas Haugland)
Antatt i NM: «Fog and good morning» (Foto/Copyright: Fotograf Bjarte Løvaas Haugland)
Antatt i NM: «Fog and good morning» (Foto/Copyright: Fotograf Bjarte Løvaas Haugland)
1 av 6
Vinnarbilete og sølv i NM: «Attack Close Up» (Foto/Copyright: Fotograf Bjarte Løvaas Haugland)
Sølv i NM: «Rain trip» (Foto/Copyright: Fotograf Bjarte Løvaas Haugland)
Hederlig omtale i NM: «Stars and tree« (Foto/Copyright: Fotograf Bjarte Løvaas Haugland)
Antatt i NM: «Tunnel man» (Foto/Copyright: Fotograf Bjarte Løvaas Haugland)
Antatt i NM: «Shadow man» (Foto/Copyright: Fotograf Bjarte Løvaas Haugland)
Antatt i NM: «Fog and good morning» (Foto/Copyright: Fotograf Bjarte Løvaas Haugland)

I oktober vann Bjarte Løvaas Haugland «Trierenberg Super Circuit», verdast største internasjonale fotokonkurranse, med bildet «Attack Close Up».

No har bildet hausta ny heder og ære med sølv i NM arrangert av Norsk Selskap for Fotografi (NSFF).

Bildet viser sonen Emil Heidal Haugland (9) som blir «eten» av ei sjøløve på Akvariet i Bergen.

– Eg er i ferd med å bli kjendis eg, smiler Emil når Midtsiden møter far og son saman med bror Lasse (7).

– Ja, det blir ein del bilde kor gutane er med, innrømmer fotografen.

Eit augeblikksbilde

Om vinnarbildet fortel Haugland at det blei eit tilfeldig blinkskot.

– Vi var på Akvariet og plutseleg kom sjøløva og opna kjeften rett framfor Emil.

– Eg knipsa i veg utan å sjå gjennom linsa og var så heldig å få eit blinkskot.

– Etterpå oppdaga vi at det var trenaren i Akvariet som ba sjøløva gjera det med eit hemmeleg teikn bak ryggen på oss, smiler Haugland.

Glad i regnet

Familien, som òg omfattar mor og endå ein bror, er glade i å koma seg ut på tur. Far Bjarte har sjølvsagt med seg kameraet.

I NM-konkurransen leverte han inn endå eit bilde, «Rain Trip», kor Emil er motivet.

– Vi var på veg ned frå ein topp på Kvamskogen då det byrja å regna.

– Emil var likevel blid og nøgd, så eg måtte be han ikkje vera så blid då eg tok bildet, ler Haugland.

Bildet blei heidra med nok eit sølv i konkurransen. I tillegg fekk Haugland antatt (betyr positiv merksemd) tre andre bilde og heiderleg omtale av eit fjerde.

Alle bilda Haugland hadde med i konkurransa kan du sjå i serien øvst i denne artikkelen. I tillegg til Haugland stilte Simen Soltvedt, Tore Solvang og Silje Lepsøy i konkurransen og fekk heider for bilda sine.

Bidraga i NM finn du her.

Mista lysta

Haugland er utdanna frå Mediehøgskulen Gimlekollen. Etter å ha jobba som pressefotograf i BA i eit par år mista fotografen gleda med å ta bilde.

– Det var ei kjekk tid i BA og eg trivst godt.

– Men eg mista etterkvart gleda med å fotografera og tok ikkje i kameraet på eitt år etter at eg slutta der.

– Sjølv ikkje familieselskapa blei det fotografert, fortel Haugland.

Fotoklubben gav gløden

For om lag to og eit halvt år sidan blei han invitert til å vera med i Os Fotoklubb av Rolls Royce-kollega Torbjørn Helgesen.

– Torbjørn visste kva eg hadde jobba med tidlegare og lurte på om eg ikkje hadde lyst til å vera med å bidra i fotoklubben.

– Det var det som skulle til.

– Tilbake kom lysta og gleda med å utforska både kamera og motiv, fortel Haugland, som i dag er nestleiar i klubben.

Lærer av kvarandre

Haugland fortel at det sosiale miljøet, og å få lov til å utforska fotograferinga saman med andre, gir mykje.

– Vi har det veldig kjekt, både sosialt og fagleg.

– Både i Os Fotoklubb og i Bekkalokket, som eg òg er medlem i, hjelper vi kvarandre.

– Du ser gjerne eit bilde nokre andre har tatt og lurer på korleis dei har klart det. Då er det berre å spørja og læra korleis dei gjer det.

Har blitt lidenskapen

Etter åra med pause er foto igjen blitt lidenskapen for Haugland.

– No er det det ja. Eg elskar å utfordra meg sjølv fotografisk og testa kameraet sine yttergrenser, mellom anna med lange lukkertider. Gjerne opp i ein halvtime.

– Det er utruleg spennande, for du har ikkje peiling på korleis resutatet blir.

– Du vurderer ikkje gjera det til eit levebrød då, no som du har hausta så mykje heder og ære?

– Tja, eg har kanskje noko på gang, men eg veit ikkje enno kor eg ender som fotograf i framtida.

– Éin ting er sikkert, eg har lyst til å gjera det som er gøy og ikkje hamna tilbake i at fotograferinga berre blir ein jobb.

– Det er ein tøff bransje, så eg får sjå, smiler Haugland litt løyndomsfullt.

Vil du sjå fleire av bilda til Bjarte finn du dei her.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.