Melder to dagar med sommar

Det kalde og våte sommarvêret vi har på Vestlandet i år tar seg ein pause midt i veka.

Frå regn og 12 varmegradar måndag og halve tysdag skal temperaturen opp minst 10 gradar i Os.

Både Storm og Yr melder opphaldsvêr frå lunsj tysdag. På ettermiddagen skal temperaturen opp i 14-15 gradar.

Til onsdag er det meldt skyfri himmel og 20 varmegradar!

Torsdag er venta å bli lettskya fram til lunsj og opphaldsvêr med opptil 24 gradar.

Det er meldt nesten vindstille (1-2,5 m/s) onsdag, og berre opptil 3-4 m/s torsdag, så det er berre til å henta vannskia fram frå boden.

Både Storm og Yr melder regn på kvelden, men Yr spår opphaldsvêr og 17 gradar fredag.

• Sjå detaljert vêrmelding for Osøyro, frå Storm og Yr side om side, på Pent.no