Midtrød blir IT-leiar
Bjørnafjorden kommune • Ny IT-leiar og personalsjef er på plass.
Samkøyring av IT-system og personalhåndtering er to av dei sentrale oppgåvene i samband med å bygga nye Bjørnafjorden kommune.
No har leiarane til desse to viktige områda kome på plass.
Ottar Midtrød (42) er tilsett som IT-leiar i den nye kommunen.
Han er i dag IT-leiar i Fusa kommune, og vil fram mot 2020 også ha denne funksjonen i Os kommune. Han har ei allsidig utdanning innan informatikk, media og kommunikasjon, og har jobba i forsikringsbransjen før han i 2011 byrja som spesialrådgjevar IKT- og organisasjonsutvikling i Fusa kommune. Frå 2013 har han vore IT-leiar i Fusa.
– IT er ein føresetnad for det meste anna vi driv med, og heilt sentralt i arbeidet vi skal inn i med kommunesamanslåinga. Eg gler meg veldig til å vera med å bygge Bjørnafjorden kommune, seier Ottar Midtrød til heimesida til Bjørnafjorden kommune.
Prosjektleiar og framtidig rådmann for Bjørnafjorden kommune, Christian F. Fotland, har frå dag ein understreka viktigheiten av gode IT-system i den nye kommunen. Mellom anna har fellesnemnda vedteke å inngå avtale med Bergen kommune om housing-tenester for dei nye IT-systema.
Røynd personalsjef
Som personalsjef for den nye kommunen er noveranda personalsjef i Os kommune, Eva Røttingen tilsett.
Ho har jobba i personalavdelinga i Os kommune sidan 1991 og vore personalsjef frå 2001.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.