Kultur | 01. juli 2015

Mighty Magnolias platedebuterer

Signerte med Snaxville - slepp to singlar under 4. julikonsert på Røykenes.

Mighty Magnolias platedebuterer
Mighty Magnolias har signert platekontrakt med Snaxville Recordings. (Foto: Snaxville)
Kjetil Vasby Bruarøy
Kjetil Vasby Bruarøyonsdag 01. juli 2015 07:42

Laurdag er det 4. julifest på USA-inspirerte Er-An Veikro.

Etter amcarparade til Hegglandsdalen og tilbake er det Eirik Søfteland og Haavard Skaatun på scenen - så, på kvelden, er det konsert med Lothepus, Blue Note Shuffle og Mighy Magnolias, som skal sleppa to singlar frå det komande debutalbumet.

To søskenpar og ein Emil

I 2013 skreiv vi om bandet The Chase, som blant anna besto av Emil Nordtveit og Ine Tumyr.

Bandet skifta seinare namn til Mighty Magnolias og består av vokalist Emil, søskenparet Ine (vokal) og Stian Tumyr (trommer), begge tidlegare medlemmar av Orbo & The Longshots, og brørne Erik (gitar) og William Rolland (bass), storebrørne til talentfulle Idar Rolland, kjent i Os frå Up & Coming og UKM.

Bandmedlemmane er frå Lekven og Fusa.

I tillegg speler Einar Olsson trommer for bandet ved ulike høve.

Maarud: – Eg er i kneståande

Mighty Magnolias har signert platekontrakt med Snaxville Recordings, plateselskapet til brørne Henrik og Amund Maarud.

– Eg kjenner Ine og Stian frå før og tok imot då dei ville senda over to låtar til oss, seier Amund.

– No er eg i kneståande! Mighty Magnolias held eit fantastisk nivå, både i låtmateriale, vokal, instrument og karisma, meiner han.

– Og Erik er noko av det beste eg har høyrd på gitar, han er heilt unik, og eg skal ha han med meg på Notodden Bluesfestival no i sommar.

Amund blei sjølv nominert til Sprellemannprisen med bandet The Grand i 2003, og vann Spellemannprisen i klassen blues i 2011, og var nominert til same pris i 2012, med bandet Morudes.

Der speler han saman med Bendik Brænne, som er aktuell for Osfest i år, og som vann Spellemannsprisen i fjor.

Brænne og Morudes er to av åtte artistar/band på Snaxville Recordings sin label før Mighty Magnolias no kom inn.

Spelte inn 10 låtar på 4 dagar

– Vi er veldige glade for den velkomsten og tilliten brørne Maarud har vist oss, seier Ine og Emil.

Saman med resten av bandet har dei vore i Snaxville, som ligg i Skogbygda, rundt 40 minutt med bil frå Kongsvinger.

– Vi budde på garden og spelte inn 10 låtar på 4 dagar, live take. No gjenstår berre noko vokal så er plata klar.

Slepp dobbel singel på Er-An

Etter dagshowet med Søfteland og Skaatun 4. juli er det tid for Lothepus på kveldstid.

Før Blue Note Shuffle skal på scenen er det Mighty Magnolias sin tur.

– Vi slepp den første dobbelsingelen frå albumet på denne konserten, fortel Ine.

På A-sida er låten «By the end of the day», som leiar tankane over på ein krysning av Ryan Adams og Bob Dylan i det energiske og melodiøse hjørnet. På den fuzztunge «Ramble stumble» kan du høyra at bandet også har blitt inspirert av Jack White og The Black Keys.

– Mighty Magnolias har rikeleg med krutt å lada kanonane med, seier Maarud.

– Vi ser veldig fram til å få albumet ut, dette blri ein sjeldant moden og løfterik debut, meiner Snaxville-brørne.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.