Mista lappen i Lysefjorden
Politiet hadde fleire trafikkontrollar i Os i går. Han som blei stoppa i Lysefjorden trudde kanskje at han var innanfor.
Vegvesenet skreiv ut 4 gebyr og tok skilta av 6 bilar på E39 i Os onsdag ettermiddag.
På kvelden var politiet ute og sjekka farten på ulike fylkesvegar.
Fekk nokre prikkar for mykje
På Lyseklostervegen blei ein bil målt til 69 km/t i 50-sona.
Normalt held du på førarkortet i denne farten, men bilførar, ein mann i 20-åra, hadde nokre prikkar frå før og er no fotgjengar.
Køyrer du meir enn 11 km/t for fort (16 km/t om fartsgrensa er 70 km/t eller høgare) så får du prikkar på førarkortet.
Med 19 km/t over fartsgrensa blei det både prikkar og forelegg, forelegget ville ha auka frå 2900 til 4200 kroner om farten var 1 km/t høgare.
2 km/t frå førarkortbeslag i Dalen
Politiet hadde òg fartskontroll på Sperrevikvegen og på Hegglandsdalsvegen onsdag kveld.
– På Sperrevikvegen blei det skrive ut eitt forelegg, på Hegglandsdalsvegen blei det fem, fortel Terje Magnussen, operasjonsleiar i Vest politidistrikt.
I Hegglandsdalen var høgaste fart 74 km/t i 50-sona, berre to frå førarkortbeslag og nok til forelegg på 4200 kroner.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.