Over 500 møtte i fakkeltoget då folkeaksjonen arrangerte protestmarsjen i januar 2013 (foto: Andris Hamre)

Mobiliserer mot bru

E39 Stord - Os: Motstandarane mot bru over Bjørnafjorden mobiliserer med underskriftskampanje på nettet og fakkeltog før kommunestyremøtet.

Av: Andris Hamre

Tysdag kveld blei underskriftskampanjen «Nei til bru over Bjørnafjorden!» sparka i gang. Ei kampanje som no går viralt gjennom facebook og som i skrivande stund har fått 829 underskrifter.

«Til: Os kommune

Sentrale myndigheter er i ferd med å rasere naturen i Søre Øyane, og mange lokale politikere her i Os står berre passivt og ser på. 

Torsdag 12. januar skal kommunestyret i Os behandle eit høringsforslag frå Statens vegvesen til trasevalg for brua over Bjørnefjorden med forslag om ilandføring i Søre Øyane. 

Folket må stå samla, og kjempe mot bru, stå samla for å bevare naturperla Kobbavågen, stå samla for å sikre at dei som kjem etter oss kan få nyte den sjeleroa, stillheten, og unike naturopplevingane ein finn i Kobbavågen.

Signer og sei NEI til bru!», skriv initiativtakar Kristine Kvinge i oppropet på underskrift.no.

I tillegg til oppropet deler no Øya-folket bileter av Kobbavågen og fjorden gjennom å oppdatera forsidebilda sine på facebook, som ein protest mot planane.

Fakkeltog rundt rådhuset

I januar 2016, skipa folkeaksjonen mot bru over Bjørnafjorden til fakkeltog frå Rådhuset til Oseana, kor kommunen den gangen heldt møte om planene for E39. Over 500 møtte den gangen. No blir det nytt fakkeltog mot brua. Klokka 16.15 er motstandarar og sympatisørar invitert til å møta opp ved vognhallen for å markera si motstand. Toget vil gå får vognhallen, forbi Essoen, bussterminalen og rundt rådhuset til inngangen av kommunehuset før kommunestyremøtet torsdag.

– Initiativet denne gongen kjem ikkje frå folkeaksjonen, men frå den unge engasjerte foreldregenerasjonen i Øyane. Det er enormt bra at folk vaknar no, sjølv om nokre kanskje påstår at det er litt seint, men det er ikkje køyrt.

– Folk må ikkje tvila på at vi har eit lokaldemokrati og at det nyttar å engasjere seg. Det er utruleg kva vi klarer få til med lokalt engasjement. Det første spadetaket er ikkje tatt, poengterer Geir Magne Johnsen Moberg, leiar av folkeaksjonen mot bru over Bjørnafjorden, som sjølv trur han skal rekka å nå fakkeltoget trass hektisk jobb.

Fleire saker

bilde-midtsiden

Iskaldt comeback

24. april 2017

Alexander Heggland har ikkje spelt Norgescup på fire år. Comebacket i helga blei ei kald oppleving.

bilde-midtsiden

Vinter i april

24. april 2017

I går kom snøen, i dag kom sola - og i neste veke skal det bli minst 10 gradar varmare.

bilde-midtsiden

Spennande song og dans på Haugland

24. april 2017

Kajsa Balto tolkar norsk folkemusikk med samiske tonar i Studio E39. Kristine Nilsen Oma kjem med spesiell danseframsyning.

bilde-midtsiden

Alle vil feira 70-åringen

23. april 2017

MS Midthordland fyller 70 år i år. Kommunane Samnanger, Fusa, Tysnes og Os vil ha cruise for å feira «Dronninga av Bjørnafjorden».

bilde-midtsiden

Dyr køyring i sentrum

23. april 2017

Fekk 5350 kroner i forenkla forelegg for å køyre i sentrum natterstid. Mann herpa biler og var valdsam.