Musikalsk skulestart

Bildeserie:

1 av 5

Til å leie undervisninga heile den første dagen hadde nemleg rektor Anne F. Fristad henta inn gutta frå The Brazz Brothers.

– I dag har eg heilt slept kontrollen, eg veit ikkje kva som kjem til å skje i løpet av dagen.

– Den skal The Brazz Brothers styra heilt og fullt, forklarte Fristad.

Show i ettermiddag

Det røynde brazz-bandet skal i løpet av dagen setta samen eit program som elevane skal framføra for foreldra når skulen har den første av to offisielle opningar måndag ettermiddag.

– Er det nokon som speler blåseinstrument?

– Er det nokon som spelar keyboard eller gitar?

– Kva med trommer. Er det nokon som spelar det, eller som har lyst til å spela det? Kven av lærarane vil, spørte Jarle Førde den litt reserverte forsamlinga.

– No skal vi dela oss inn i grupper, så møtast vi her igjen om ein times tid, så ser vi kven av oss som har kome lengst. Det blir litt konkurranse av det, i allefall for oss i bandet, smilte Førde.

Byggja venskap

Rektor si hensikt med å la Brazz Brothers overta styringa den første skuledagen var todelt.

– Eg håpar jo at elevane skal få ein fin start på skuleåret.

– Men like viktig er at dei skal læra kvarandre å kjenne og å bygga venskap på tvers av klassene og trinna.