- Mykje kreativitet

Bildeserie:

1 av 10

I midten av april arrangerte Os fotoklubb ein såkalla fotowalk der medlemmane fekk i oppdrag å koma seg ut og fanga motiv med ein y eller noko grønt i naturen. Framleis var ikkje våren kome så lagt, så å finna lysegrønne vårskot var kanskje ikkje det enklaste, men nokre lykkast med det òg.

- Det blei ein utruleg kjekk tur og veldig artig.

- Resultata blei totalt forskjellig sjølv om alle gjekk omlag i det same området, fortel Tommy Sælen i fotoklubben.

Fotografane heldt seg stort sett langs den gamle Osbane-linja frå Søfteland skule og sørover.

Alle vinnarar

Fotoklubben har ikkje kåra nokon vinnarar blant dei mange bileta.

- Vi tykte ikkje det var rett denne gongen.

- Det har vore ei utruleg kreativitet blant fotografane og mange flotte motiv som blei fanga.

Neste samling i fotoklubben blir onsdag 30. mai på Søfteland skule klokka 19.

- Vi skal nok ut å fotografere då og, så det er berre å møta opp, avsluttar leiar Tommy Sælen.