Nådde ikkje opp
Det blei for tøft for eit svekka Søre Neset i kampen om opprykk til 2. divisjon i volleyball.
Volleyballdamene til Søre Neset var etter ein god sesong klare for kvalifiseringsrunde til 2. divisjon mot BSI2, Nyborg2 og Kvernbitt. Sjølv med tap i første kamp mot BSI 2 heime i Oshallen levde håpet før dei to siste kampane i Haukelandshallen sundag.
– Håpet forsvann vel litt då vi fekk det eine forfallet etter det andre grunna skader og jobb inn mot helga.
– Vi hadde ikkje meir enn seks spelarar med oss til Haukelandshallen, fortel avtroppande trenar Morten Erikssen.
– Eit greit lag å tapa for
Kampen mot Kvernbitt blei ein jamn batalje over 5 sett. Søre Neset hamna bakpå og låg under etter å ha tapt 22-25 og 19-25 i dei to første setta.
– Jentene reiser seg meisterleg i dei to neste som dei vinn 25-20 og 25-22.
– Det siste settet tapar vi 7-15.
– Det å tapa for Kvernbitt var eigentleg heilt greit. Dei er ein fantastisk gjeng volleyballspelarar som vi har eit godt samarbeid og forhold til.
– Dei var rett og slett sterkare enn oss på sundag, fortel Erikssen.
Henta to 1. divisjonsspelarar
Like nøgd er ikkje Erikssen med kampen mot Nyborg 2.
– Nyborg hadde tydelegvis bestemt seg for at dei skulle ha den eine av dei to opprykksplassane og hadde henta ned to spelarar som normalt speler 1. divisjon.
– Det tykkjer eg ikkje er fair.
Kampen endar med tap i tre strake sett 15-25, 20-25 og 13-25.
Enorm skilnad
At det ikkje blei opprykk tek ikkje Søre Neset-jentene spesielt tungt i følgje Erikssen.
– Det er enorm forskjell på å spele 2. og 3. divisjon.
– Vi følte vel eigentleg på førehand at vi ikkje var førebudd for å ta det steget enno.
– Vi har hatt ein knallgod sesong kor jentene har tatt store steg samenlikna med fjorårssesongen, men framleis har vi mykje å jobbe med før vi er klare for 2. divisjon.
– Eit år til i 3. divisjon er inga krise, konkluderar Erikssen.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.