Kristine Moberg hoppa 2,92 centimeter i lengde uten tilløp, berre éin centimeter bak noregsrekorden (foto: Os Friidrett)

Nær noregsrekord innandørs

Kristine Moberg éin centimeter bak noregsrekorden innandørs.

image
image
image
Av: Andris Hamre

Onsdag arrangerte Os Friidrett innandørs Osmesterskap i høgde utan tilløp, lengde utan tilløp og tresteg.

– Vi hadde 73 deltakarar frå Os Turn, Lysekloster, Søfteland, Os Roklubb og Ålesund FIK, fortel Åge Gulbrandsøy i Os Friidrett.

Tangerte 37 år gamal rekord

Det var mange store prestasjonar under meisterskapen, men det største sto truleg Kristine Moberg, Os Turn, for. Ho hoppa 2,92 centimeter i lengde utan tilløp for kvinner senior.

– Fram til NM i februar i år var det noregsrekord. Den blei satt i 1981 av Annelin Mannes, men blei altså slått med éin centimeter tidlegare i vinter, fortel Gulbrandsøy.

Andre resultat frå stemnet som ligg i noregstoppen var;

  • Tresteg u/t - Sofie Olsvold Haugsberg, 6,86 – 3. plass på norgesstatestikken i år for J18/19 
  • Tresteg u/t - Tuva O. Klyve, 5,98 – 5. plass på norgesstatistikken i år for J14 
  • Tresteg u/t - Kristian Brandseth, 6,48 – 4. plass på norgesstatistikken i år for G14 
  • Tresteg u/t - Martin Hjertaker, 6,14 – 2. plass på norgesstatistikken i år for G13 
  • Høyde u/t - Martin Hjertaker 1,20 – 2. plass på statistikken G 13 i år.

– Eit supert arrangement

Rosjef Eirik Vevatne frå Os Roklubb skryt stort av arrangementet.

– Vi vil få takka Os Turn for eit supert arrangement. No kom det på eit tidspunkt kor dei eldste roarane våre var opptekne med fysiske testar, men vi er særs nøgd med resultata roarane våre presterte.

– Linn Kristin Vevatne som stilte i rekruttklassen persa i alle øvelsane. Emil Heidal Haugland i G12 vann alle dei tre øvingane og Eivind Vevatne kom på 2. plass i tresteg og lengde, i tillegg til bronse i høgde, fortel Vevatne som var imponert over utøvarane.