– Gneist er litt som Os, ein stor klubb som er god på spelarutvikling, seier Tore Nielsen om sin nye klubb. Her som hovudtrenar på Kuventræ i 2013. (Foto: KVB)

Nielsen i ny trenarjobb

Tidlegare Os-trenar, Tore Nielsen frå Søfteland, går frå Varegg for å blir hovudtrenar i 4. divisjon.

Av: Kjetil Vasby Bruarøy

Tore Nielsen var assistenttrenar for Os då A-laget rykte opp til 2. divisjon med Frank Hellevik i 2009. I 2013 kom han tilbake som hovudtrenar.

Han var to sesongar i trenarteamet til Lysekloster før han i vinter gjekk utan oppdrag, så kom ein halv 2016-sesong som assistenttrenar i Varegg.

– Eg likte meg godt i Varegg! Det er ein god klubb med eit sterkt lag, og eg var veldig involvert i trenargruppa, seier Tore.

Varegg kom som kjent på 3. plass, plassen framfor Os, og heldt seg i 3. divisjon i det som blir Regionsligaen i 2017.

– Men så dukka dette opp, seier Nielsen om trenartilbodet frå Gneist.

Overtar etter Osvaag - igjen

I går signerte Tore Nielsen kontrakt med Gneist, der han blir hovudtrenar for A-laget. Gneist var i pulje med Os i år, der dei landa på 11. plass og rykte ned til 4. divisjon.

Nielsen overtar etter Kennth Osvaag, som no blir hovudtrenar for Vestsiden-Askøy (som landa på 12. plass i same avdeling).

– Også då eg var hovudtrenar for Bergen Nord overtok eg etter Osvaag. Det er tilfeldig at det blei sånn denne gong òg, men det er litt artig, synest Nielsen.

Går det like bra no som med Bergen Nord kan søftelendingen vera nøgd, Nielsen rykte opp til 3. divisjon med eit svært ungt lag frå Bergen Nord.

Bygger lag i stor klubb

– Har du press på deg i forhold til opprykk med Gneist?

– Nei, ikkje slik eg opplever det. Klubben har ambisjonar om å koma tilbake til 3. divisjon, men skal først og fremst driva spelarutvikling og bygga lag.

– Eg føler dette blir litt som då eg var i Os, ein stor klubb med mange gode, unge spelarar. Det er dette eg liker best, å ha vera med på å få mange talentfulle ungdomar inn i seniorfotballen. Tida i Varegg var fin, og i utgangspunktet ville eg bli verande, men dette tilbodet kunne eg ikkje seia nei til. Når eg i tillegg kan reisa til Liland til trening, i staden for å køyra gjennom Bergen, er det dessutan litt enklare.

Nielsen møtte spelarane i går. Måndag leiar han si første trening med Gneist.

Fleire saker

bilde-midtsiden

Full fres på Kuventræ

27. mai 2017

Bildeserie: Strålande innsats i strålande vêr når Os Friidrett arrangerer Friidrettens dag på Kuventræ laurdag.

bilde-midtsiden

Innbrot og funn av narkotika

27. mai 2017

Politiet gjorde funn under ransaking på dagtid laurdag. Så var dei på undersøking i ein leiligheit i Strøno, der nokon hadde tatt seg inn og stole...

bilde-midtsiden

Nytt styre i Osfest

27. mai 2017

Jan Kristian Rokne, Øyvind Blindheim og Jan Vidar Alnes går inn i styret for Osfest. – Vi vil vera med å byggje festivalen vidare, seier dei tre...

bilde-midtsiden

Vårkonsert med urframføring

27. mai 2017

Kyriake med band framfører ein heilt ny salme av Norvald Johan Kobbeltvedt når dei syng i Nore Neset kyrkje søndag kveld.

bilde-midtsiden

Kos på Os

26. mai 2017

Bildeserie: Vel 300 stilte då Undercover og Os sentrum inviterte til torgfest på Øyro fredag. Det blei ein suksess.

bilde-midtsiden

Tidleg start på årets Friluftsskule

26. mai 2017

Rapellering, padling og tenning av bål - årets Friluftsskule har fokus på padling og sjøliv, og blir arrangert over ein månad tidlegare enn i fjor...

bilde-midtsiden

Mistenkte ruskøyring

26. mai 2017

Ein mann i 40-åra mistenkt for å ha køyrd bil i rusa tilstand i Hagavik torsdag ettermiddag.

bilde-midtsiden

Følte seg bondefanga

26. mai 2017

Politikarane sa ja til oppstart av reguleringsplanen for Hjelle skule, men var ikkje spesielt glade for å ta landbruksarealet.