Kultur | 20. okt. 2016

No blir Oseana fylt opp med talent

Av 2000 påmeldte er 180 valt ut. Sånn blir Norske Talenter-dagane i Oseana, framfor 4 x full sal.

No blir Oseana fylt opp med talent
Sånn såg Oseansalen ut sist Norske Talenter hadde audition i Os. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 20. okt. 2016 13:35

Oseana fyller hovudsalen to gongar per dag når TV2 og Norske Talenter har audition førstkomande søndag og måndag.

Oppdatert søndag kl 13.00: Søndag er fullbooka, men det er ledige sete til første og andre del måndag.

Det var i slutten av august at det blei kjent at Norske Talenter kjem tilbake tre år etter første audution.

– Vi gler oss til å koma tilbake til Os og Oseana, og til å sjå alle talenta. Påmeldinga har vore veldig god, seier Katrine Wergeland frå TV2 til Midtsiden.

Sjå bildeserie frå dag 1 og dag 2 i Oseana i 2013.

48 talent til Os

TV2 køyrer tre auditionar i år, i Os (Bergen), Trondheim og Oslo.

Av 2000 påmeldte er det tatt ut 180 til audition. Produksjonsselskapet, Fremantle Media, har vore ute på både precast og på spotting av talent som har blitt rekruttert til programmet.

48 av desse blir å sjå i Oseana for dei som har sikra seg billett.

Ingen av desse 48 er frå Os, men éin av dei skal vera frå Tysnes. (Oppdatert; minst éin av desse er frå Os, Gustav Hasfjord)

– Publikum kan venta seg alt frå tryllekunst, rytmisk sportsgymnastikk og rockeband til akrobatikk, dansecrew og indisk song, fortel Wergeland.

Dei fleste deltakarane kjem frå Vestlandet, men det er òg talent frå Kristiansand og frå Austlandet som kjem til Os denne helga.

Skiftar publikum midt på dagen

Søndag og måndag er begge delt i to, med innspeling frå 13.15 til 15.30 og 17.25 til 19.40 søndag og 11.15 til 13.30 og 15.40 til 17.55 måndag.

Oseana er rigga med stolar på flatt golv, rundt 340 sete.

Alle klokkeslett er cirka-tal og publikum skal vera på plass før innspeling startar.

Premiere i starten på 2017

Premieredato er førebels hemmeleg, men blir ein gong tidleg på nyåret.

Før den tid skal talenta som kjem vidare til Oslo for første sortering.

Juryen er, som i fjor, songar og skodespelar Mia Gundersen (54), komikar og skodespelar Linn Skåber (46), dansar Suleman Malik (25) og DDE-vokalist Bjarne Brøndbo (51).

Mia Gundersen sat i juryen også sist programmet besøkte Os. Programleiar er også som førre sesong; Solveig Kloppen.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.