No blir Ulvenvegen stengd
Frå måndag blir fv 160 Ulvenvegen stengd i vel to år. Omkøyring blir via Industrivegen.
Opprinneleg var planen at fylkesveg 160 Ulvenvegen frå krysset ved Industrivegen til rundkøyringa på E-39 skulle bli stengd i byrjinga av månaden, men dette blei utsett.
Årsaka til utsettinga var at bygginga av ny busslomme på den kommunale vegen i Kolskogen tok lengre tid enn venta.
I ein nærinfo frå Statens Vegvesen opplyser dei at Ulvenvegen blir stengd frå måndag 30. november og ut 2017.
– Det blir omkøyring for lokaltrafikken på kommunevegane Kolskogheiane og Industrivegen i den perioden Ulvenvegen er stengt, heiter det i informasjonsskrivet.
Masseutskifting og nedtapping
Grunnen til at ein må stenga Ulvenvegen er utbygginga av ny E39 Svegatjørn - Rådal som vil komma på tvers av dagens Ulvenvegen.
– Dette er ein viktig grunn til at Ulvenvegen blir stengt i anleggsperioden. Dessutan skal massane i vegkroppen på dagens fylkesveg skiftast ut med nye massar. Veglina skal rettast opp i høve til dagens veg. Det blir dessutan bygd gang- og sykkelveg langs den nye Ulvenvegen.
I starten av arbeidet skal også Svegatjørn gradvis tappast ned før ein fjernar slam og lausmassar. Stein frå drivinga av Skogafjellstunellen skal så nyttast til å fylla ut Svegatjørn.
Statens Vegvesen reknar med at det tidvis vil bli kø i Kolskogheiane og Industrivegen då lokaltrafikken på Ulvenvegen i dag er relativt stor.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.