Sorterer du ut papir, papp, glass og metall frå restavfallet kan det vera mykje å spara, både for miljøet og lommeboka (ill.foto: BIR)

No kan du få PT-time frå BIR

Er du av dei med nyttårsforsett om ein slankare livsstil. No tilbyr BIR PT-timer. – Det er ikkje for å slanka deg, men restavfallet ditt, fortel Tina Skudal.

Av: Andris Hamre

I heile januar og februar kan 100 kundar av BIR få sin personlege trenar i kildesortering.

– Vi har framleis ledige timar, så det er berre for osingane å kontakta kundesenteret vårt på bir@bir.no eller 815 33 030, så kjem vi på heimebesøk, fortel Tina Skudal, kommunikasjonsrådgjevar i BIR.

Mykje å spare

God kildesortering sparer ikkje berre miljøet, men også lommeboka di.

– Vi var ute hos ein familie på fem barn og to vaksne i går. Dei har gått frå å levera restavfallet 50 ganger i 2015 til 15 ganger i 2016. Det betyr at dei i fjor berre betalte for tre ekstra tømminger siden 12 tømmingar allereie er inkludert i bossavgifta. Er du god på å sortera avfallet, så sparer du rett og slett penger i tillegg til miljøet, seier Skudal.

Handler om å legga tilrette

Skudal fortel at dei på PT-timane mellom anna har med seg ein oppvaskbørste, sekker til plastemballasje, spann til å kildesortera i, handlenett og ulikt informasjonsmateriell.

– Det å kildesortera er inga magi, det handlar vel så mykje om å leggje tilrette. Tildømes å ha ein boks som ein kan legga glass- og metallemballasje i, eller ein til å legga lyspærer og batteri i, under kjøkkenbenken. Det er jo på kjøkenet vi produserar det meste av bosset, så difor er det viktig å kunna sortera det der.

– Visste du forresten at aluminiumsformer og -folie er ein av dei tinga som har best miljørekneskap om ein sorterar det. Sorterer du ut formene som leverposteien eller kattematen eller folien du har brukt når du stekte kjøtet på grillen, så treng ein berre 5% av energien for å laga nye former, samanlikna med om ein skal starte med nye råstoffer. Ikkje treng dei vera gullande reine heller, for matrestane blir brent av når dei blir gjenvunnen, forklarar Skudal.

Mykje kvikksølv i nye lyspærer

Kommunikasjonsrådgjevaren fortel at mykje av det du ikkje kan levera til bossbilen, kan du levera gratis på gjenvinningsstasjonen i Kolskogen.

– Farleg avfall, som sprayboksar, batteri, maling, lausemiddel og trykkimpregnerte materialer kan du levera gratis. Det same gjeld alt av elektrisk utstyr. Spesielt interessert er vi i at også småartiklar som telefonar, elektriske tannbørstar og hårfønarar blir levert inn i staden for å gå i restavfallet.

– Ein annan ting som ikkje bør i restavfallet er sparelyspærene. Dei innheld nemleg masse kvikksølv, i tillegg til metaller og ulike stoffer i sjølve glasset. Så desse bør ein samla i ein eigen boks, saman med tildømes batterier og levera direkte i Kolskogen, avsluttar Tina Skurdal.

Fleire saker

bilde-midtsiden

Iskaldt comeback

24. april 2017

Alexander Heggland har ikkje spelt Norgescup på fire år. Comebacket i helga blei ei kald oppleving.

bilde-midtsiden

Vinter i april

24. april 2017

I går kom snøen, i dag kom sola - og i neste veke skal det bli minst 10 gradar varmare.

bilde-midtsiden

Spennande song og dans på Haugland

24. april 2017

Kajsa Balto tolkar norsk folkemusikk med samiske tonar i Studio E39. Kristine Nilsen Oma kjem med spesiell danseframsyning.

bilde-midtsiden

Alle vil feira 70-åringen

23. april 2017

MS Midthordland fyller 70 år i år. Kommunane Samnanger, Fusa, Tysnes og Os vil ha cruise for å feira «Dronninga av Bjørnafjorden».

bilde-midtsiden

Dyr køyring i sentrum

23. april 2017

Fekk 5350 kroner i forenkla forelegg for å køyre i sentrum natterstid. Mann herpa biler og var valdsam.