Kan få Spellemannspris

Dei første 2500 eksemplarane av Orbo sitt tredje album, "High Roller", blei selt raskt unna. Nye eksemplar blei produsert, og Ole og longshotane hadde eit tett konsertprogram i året som gjekk.

- Vi fekk mykje merksemd, men med denne nominasjonen kan det nok koma til å skyta fart, trur Orbo.

I dag klokka 10 blei lista over nominerte lagt fram, og Orbo & The Longshots er nominert i kategorien "blues" saman med Good Time Charlie og Rita Engedalen.

- Eg har håpa på ein nominasjon før, men aldri tort å tru. Dette kom som ei stor, positiv overrasking, seier den innflytta osingen, på veg heim frå pressekonferanse i Oslo.

Sjå alle nominasjonane på BA.no

- Korleis går det med låtskrivinga? Blir det ny USA-tur og innspeling i år også?

- Vi skal spela inn plate ganske snart. Det er uvisst kvar ho skal spelast inn og kor tid ho kjem ut, seier Ole, og verkar litt løyndomsfull.

Spellemann 2008 blir arrangert i Oslo Spektrum laurdag 24. januar 2009.