Sverre Lunde Pedersen sette ny personleg rekord på alle dei tre distansane han gjekk under noregscup på Hamar i helga.

• 500 meter-rekorden på 38,03 blei slått med 37,51
• 1500 meter-rekorden på 1.52,10 blei slått med 1.50,87
• 5000 meter-rekorden på 6.52,10 blei slått med 6.44,58

- Det var på førehand bestemt at eg ikkje skulle gå 10.000 meter, fortel Sverre til Midtsiden.no.

Utan tid på 10.000 meter hamna han på 12. plass. Sesongen er lang, og med løp allereie neste helg brydde Sverre seg lite om å kjempa om bra samanlagtresultat i noregscup.

- Samanlagt etter dei tre distansane eg gjekk hamna eg på 2. plass for juniorar, på 3. plass om vi tar med seniorane.

Under stemnet gjorde landslagsleiinga uttak til verdscup for junior. Løparane har ikkje fått melding om kven som er tatt ut, men sjansane til Sverre ser svære ut.