Båt sleit seg

Sjølv om vinden har løya er det store bølgjer i hamna i dag.

Saman med springfloa rundt klokka 12 blei det for mykje for ein tung trebåt som har lagt til kai i småbåthamna ved Oselvarnaustet sidan september.

- Folk kan gjerne liggja her ei helg, men det er dumt når dei berre legg frå seg båtane som dette, seier ein av dei som var i Oselvarnaustet i dag.

I dag sleit båten seg, og både roret, skutesida og brygga fekk skadar.

- Vi fekk tak i båten, den ligg tryggare no. Men det er fint om eigar kjem og hentar den.