Nordstoga til Oseana

For berre fjorten dagar sidan blei det kjent at Anita Skorgan kjem til Oseana med sin julekonsert kor Terje Nordby deltek med «Charles Dickens juleevangelium». No er det klart at ein til av store norske artistane vitjar kulturhuset oppunder jul.

– Onsdag 10. desember kjem Odd Nordstoga på vitjing, fortel Astrid Heggland, sals- og marknadsansvarleg på Oseana.

Aleine på turné

Odd Nordstoga fekk det store gjennombrotet i 2004 då han gav ut albumet «Luring». Albumet selde meir enn 150 000 eksemplarar og innheldt monsterhiten «Kveldssong for deg og meg», om grisen som står og hyler.

Nordstoga har jobba med fleire kjende artistar, no seinast med Ingebjørg Brattland, som han gav ut albumet «Heimefrå» saman med. Nordstoga og Brattland har denne sommaren turnert land og strand rundt saman.

Til Oseana kjem den folkekjære artisten frå Vinje aleine, med seg har han gitaren, trekkspelet og melodiane frå albumet «Bestevenn», som kom ut i 2011.

– Dette gler vi oss til. Billettane til konserten blir lagt ut for sal i morgon torsdag, avsluttar Heggland.