Noregsmeistarar igjen

Det blei både gull og sølv i NM på Iceabella Johansen og Sindre Spilde frå Os Swingklubb.

Kjetil Vasby Bruarøysøndag 15. nov. 2009 01:39

I fjor vann dei NM-gull i folkeswing, i år klarte dei nesten å forsvara tittelen. Det enda med sølv i folkeswing, men Iceabella og Sindre, som det siste året har satsa meir på stilarten "bugg", hadde meir på lager.

I bugg gekk dei nemleg heilt til topps, Iceabella og Sindre kan med andre ord framleis kalla seg noregsmeistarar.

To andre dansarar frå Os Swingklubb,Anne Margrethe Børresen og Christian Dworas, var også med i NM. I fjor fekk dei 4. plass i bugg, i år rauk dei ut i semifinalen.