Sport | 09. sep. 2014

Norling skryter av Heggland

Osingen Fredrik Heggland (18) spelte frå start til slutt for A-laget til Brann i gårsdagens treningskamp mot Fana.

Norling skryter av Heggland
Fredrik Heggland i kamp for Brann 2 i fjor. (Arkivbilde, foto: Henrik Mjelva)
Kjetil Vasby Bruarøy
Kjetil Vasby Bruarøytirsdag 09. sep. 2014 11:38

Fredrik Heggland, som fyller 19 år i november i år, spelte måndag samtlege 2 x 30 minutt med Erik Huseklepp, Erlend Hanstveit og resten av A-laget då Brann møtte Fana til treningskamp på Nymark.

Brann vann 2-1 og Heggland får skryt av trenar Rikard Norling for sin prestasjon.

- Han spelte Orlov fri ein gong, og snudde spelet veldig fint før 2-1-målet. Generelt er han en veldig spennande forsvarar, rask, følsom med ballen og allereie ganske god offensivt, seier Norling til BT.no etter kampen.

Norling trur Heggland vil etablera seg på A-laget neste sesong.

Brann-kaptein Erlend Hanstveit kjem også med gode tilbakemeldingar.

- Han var solid og god i posisjonsspillet, og hadde også fleire fine pasningar. Vi veit frå før at han er ein dyktig ung mann, seier Hanstveit til Bergens Tidende.

Heggland gjekk frå Os til Brann saman med den eitt år eldre lagkamerat Simen Lassen i forkant av 2013-sesongen. I april blei det klart at han framleis er på Brann si B-liste, i sommar spelte han sin første kamp med A-laget, under ein treningsleir på La Manga.

– Veldig kjekt

Fredrik fortel at han fekk beskjed laurdag at han var med i troppen, søndag at han skulle spela frå start.

– Eg har vore ute med skade i tre veker og var litt spent korleis eg ville prestera, sjølv om Fana er eit lag eg har spelt mot før. Eg synest sjølv at eg spelte litt rufsete i første omgang, men at det kom seg, seier Fredrik til Midtsiden.

– Det er likevel veldig gledeleg med fine tilbakemeldingar frå Norling og Hanstveit. Det viktigaste for meg no er Brann 2, men det hadde vore veldig kjekt med litt speletid i Tippeligaen før sesongslutt, innrømmer han.

Fredrik speler i 2. divisjon med Brann 2, der dei som A-laget kjempar mot nedrykk. Osingen har spelt frå start til slutt i alle kampane fram til han i august fekk ein strekk.

– Eg fekk heldigvis trent godt mens eg var skadd og kjente ikkje noko til skaden i går. Det er ganske jamt nedst i avdelinga, så vi treng ikkje vinna så mange kampar før vi er over streken.

FAKTA
Treningskamp. Nymark kunstgress. Dommer: Kristoffer Hagenes.

VIDEO: SJÅ SAMANDRAG PÅ BRANN.NO

Brann - Fana 2-1 (1-1)
1-0: Erik Huseklepp (18.)
1-1: Espen Birkeland (34.)
2-1: Ibrahima Dramé (57.)

Brann (4-4-2): Piotr Leciejewski - Hassan El Fakiri, Fredrik Heggland, Erlend Hanstveit, Erdin Demir - Erik Huseklepp, Fredrik Haugen (Eirik Birkelund fra 50.), Kristoffer Barmen, Kasper Skaanes (Amin Askar fra 41.) - Marcus Pedersen (Ibrahima Dramé fra 50.) Jakob Orlov.

Fana (4-5-1): Peter Eikeland (Emil Harloff fra 31.) - Joakim Birkeland (Mads Rakner fra 31.), Håvard Sjursæther, Ståle Tveit, Sindre Lie (Anders Moe Lund fra 31.) - Lars Chr. Kjemhus, Espen Birkeland, Anders Engeset (Vehid Kocani fra 21.), Stian Dyngeland (Joakim Vatne fra 50.), Jonas Hestetun (Henrik Seim Frotvedt fra 31.) - Martin Aandahl (Bendik Nordtveit fra 42.).

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.