Sport | 12. apr. 2017

Ny crossbane tek form

Os MC og MX-klubb igang med utvidinga av banen i Kolskogen. Første sløyfa lagt.

Ny crossbane tek form
Grovpukken for den første sløyfa er på plass med hjelp frå elevane ved Os VGS (foto: Andris Hamre)
Andris Hamreonsdag 12. apr. 2017 08:06

Bildeserie:

Den første sløyfa ligg nærast Ulvenvegen (foto: AH)
Den første sløyfa ligg nærast Ulvenvegen (foto: AH)
Her kjem den andre sløyfa som også skal bli laga av elevane ved Os VGS (foto: AH)
Her kjem den andre sløyfa som også skal bli laga av elevane ved Os VGS (foto: AH)
Slik er banen tenkt å bli når den er ferdig
Slik er banen tenkt å bli når den er ferdig
1 av 3
Den første sløyfa ligg nærast Ulvenvegen (foto: AH)
Her kjem den andre sløyfa som også skal bli laga av elevane ved Os VGS (foto: AH)
Slik er banen tenkt å bli når den er ferdig

Rett før påske i 2014 fekk Os MC og MX-klubb gladmeldinga om at kommunen og Forsvarsbygg var blitt einige om at kommunen fekk leiga eit område frå forsvaret, som dei igjen kunne framleige til klubben.

I april i fjor fekk klubben kommunal garanti for lånet dei måtte ta opp for å få bygd banen og no byrjer den å ta form.

– Yrkesskulen har tatt seg godt ut og laga den eine sløyfa på banen. Det er litt for tidleg å seie når den kan vera klar, men håpet er å få opna den før ferien, seier Kalle Pedersen i Os MC og MX klubb.

Får hjelp av livskvalitet-gjengen

Elevane ved yrkesskulen skal også legga den andre sløyfa oppe på haugen nærare Ulven leir og ned mot dagens bane.

– Det tek dei til med så fort dei er ferdige med det dei held på med no. Det ser lyst ut for banen no.

– Før vi kan ta den første sløyfa i bruk, må vi også få opp omlag 100 meter med støy og innsynsgjerde. Der har vi fått med oss gjengen frå Livskvalitet på Vartun oppfølgingsteneste til å skru gjerde for oss. Eg reknar med at vi kan komma i gang med den delen av jobben over påske, seier Pedersen.

Har finansiering, ønskjer sponsorar

Pedersen fortel at finansieringa er i orden.

– Vi har banklån som gjer at vi kjem i mål med prosjektet, men er framleis ute etter sponsorar. Det vil gjera det heile litt lettare for klubben.

Den nye banen blir på nær 1000 meter når den blir ferdig.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.