Nydeleg vintervêr i vente
Alpinanlegga nærmast Os jublar over 50 cm nysnø, men også i låglandet blir det vinterstemning i helga.
Både Myrkdalen, Voss og Eikedalen melder om mykje nysnø dei siste dagane, frå 40 til 70 cm, og gode forhold i og utanfor løypene.
Også i Os blir det vintervêr i helga, med både snø, sol og minusgradar.
Nedbøren, som nær sjøen landa som sludd, men som i «innlandet» i Os fredag ligg som snø, kjem det meir av fredag ettermiddag.
Både Yr og Storm melder snø fram til i 20-tida i kveld, Yr melder også noko snø natt til laurdag.
Sol og kulde laurdag til måndag
Laurdag er det meldt lettskya og 1-2 minusgradar i Os. Vinden skal starta med 6-12 m/s i styrke, men løya utover dagen.
Til søndag er det meldt endå finare og kaldare, med 1 til 5 minusgradar, skyfri himmel og 1-2 m/s vindstyrke.
Også måndag skal det bli sol og kaldt, men på ettermiddagen skal det skya til og bli noko varmare.
Frå tysdag og ut veka er det meldt 5-6 gradar, overskya og noko nedbør.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.