Nytt album og ny video
VIDEO: Maya Vik har hatt ein hektisk sommar. Slepp av singel kvar onsdag, turnè i Japan og videoinnspeling. Laurdag spelar ho på Øya.
Osingen Maya Vik debuterte som soloartist for under eitt år sidan. I førre veke blei det kjend at ho forlet Monteé for å satsa på solokarriera.
Fredag slepp ho sitt andre soloalbum "Bummer Gum" før ho på laurdag speler på Øya i Oslo.
Midtsiden har fått tilgang på Maya sin siste video "On It" (Kapow)!" Sjå den nedst i artikkelen.
Maya blei kjend då ho spelte med Osbaserte Furia. Ho har òg spelt med Paul Waaktaar sitt Savoy.
Singel kvar onsdag
Videoen er spelt inn i Asia kor Maya har tilbrakt mykje av sommaren på turné i Japan.
- Samstundes som eg var i Japan slapp eg ein ny singel frå den nye plata kvar onsdag, fortel Vik.
I tillegg til turneen i Japan varma Maya opp for Lenny Kravitz då han spelte i Bergen. Ho har òg spelt på Hovefestivalen.
Amerikansk og britisk samarbeid
Fleire av låtane på ”Bummer Gun” har blitt til gjennom eit fruktbart samarbeid med den amerikanske musikaren og kunstnaren Morgan Phalen (kjend frå Diamond Nights og som vokalist for Justice). Phalen syng òg ein duett med Maya på plata.
Andre som bidreg er den London-baserte elektronikaduoen Royalty, dei amerikanske hiphop-produsentane Block Beattaz (G-Side, Stalley/Rick Ross), George Laks (som er Lenny Kravitz sin keyboardist).
Ho har òg med seg sine faste livemusikarar Marius Simonsen (trommer) og Haakon-Marius Pettersen (keys), i tillegg til plateselskapet Oslo Records sine in-house-musikarar og -produsentar Basmo Family og Chris Lee.
Video: Maya Vik sin "On It!". Produsert av Øyvind Holmboe Basmo, foto og regi: Pål Laukli
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.