Midtsiden.no blei oppretta i år 2000, først som ein portal med lokale lenkjer, annonsar og auksjon. Redaksjonelle sakar frå magasinet blei også publisert på sida, og etter kvart kom vi med nyhende to-tre gongar i veka. Midtsiden.no tok gradvis form som ei nettavis.

Allereie frå starten av blei Midtsiden.no drive av Kjetil Vasby Bruarøy, som framleis er ansvarleg redaktør, men som frå 2009 formelt også overtok som eigar.

Midtsiden.no har vore gjennom fleire ansiktsløftingar, resultatet av den mest omfattande oppgraderinga blei lansert 23. april 2009. Dagens versjon av Midtsiden.no er utvikla av Morten Nicolay Nielsen og bruker Drupal som "content management system" (CMS).

I mai 2010 blei redaksjonen dobla. Bruarøy fekk selskap av Andris Hamre i redaksjonen og Hamre starta fulltid frå 20. august.

Macbox AS eig og driv framleis magasinet Midtsiden. Papirutgåva av Midtsiden såg dagens lys til marknadsdagane på Osøyro i juni 1999. Magasinet blir framleis distribuert til husstandane i Os og nabokommunane sju gongar i året. Les meir om magasinet Midtsiden på macbox.no.